функцыяналізм агульны (general functionalism), версія структурнага функцыяналізму, прыхільнікі якой (Дэйвіс і Мэртан) зважаюць не толькі на нармальнае функцыянаванне грамадства, але бяруць пад увагу і дэвіяцыю, збочванне з слушнага шляху;
функцыяналізм нарматыўны (normative functionalism), плынь у структурным функцыяналізме, прыхільнікі якой (найперш Т.Парсанз) лічаць падставай згуртаванасці грамадства ўніверсальныя каштоўнасці (нарматыўны аспект) і найбольшую ўвагу аддаюць захаванню салідарнасці й раўнавагі сацыяльнай сістэмы, пагарджаючы разнастайнымі адхіленнямі ад «нормы» ў жыцці грамадства.
