Тышкевіч Рэгіна (н. 20.10.1929, г. Менск), д-р фізіка-матэматычных навук (1984, Алгебраічныя метады тэорыі графаў), праф. (1986). Скончыла БДУ (1952), дзе і працуе. Навуковыя працы па алгебры, тэорыі графаў і камбінаторным аналізе. Пабудавала асновы агульнай тэорыі дэкампазіцыі графаў, дастасаванай да класіфікаваных і пералічальных задач пры экспаненцыйна вялікай колькасці даследаваных аб'ектаў. Дзяржаўная прэмія Беларусі (1998).

Тв.: Проблемы изоморфизма графов // Записки ученых семинаров ЛОМИ. 1982. Т. 11 (разам з В.Землячэнкам і М.Карнеенкам); Лекции по теории графов. М., 1990 (разам з А.Мельнікавым, У.Сарванавым, У.Ямелічавым); Decomposition of graphical sequences and unigraphs // Discrete mathematics. 2000. V. 220.

Паведаміць пра недакладнасьць