Акадэмізм (франц. academisme ад грэч. Akademia), мастацкі напрамак, сутнасць якога заключаецца ў тым, каб прытрымлівацца канонаў, класічных узораў, прызнаных ідэальнымі і непераўзыдзенымі. Гістарычна А. звязаны з першымі мастацкімі вучэбнымі ўстановамі кан. 16 - пач. 17 ст., названымі акадэміямі, у якіх навучанне было арыентавана на замацаванне дасягненняў майстроў папярэдніх эпох - антычнасці і італьянскага Адраджэння.
