Малюнак (польск. malunek ад malować < с.-в.-ням. malen), выява, зробленая ад рукі з дапамогай графічных сродкаў - контурнай лініі, штрыха, танальнай плямы. Адрозніваюць навукова-дапаможны, прыкладны, тэхнічны М. Мастацкі М. ляжыць у аснове ўсіх відаў мастацкага выяўлення на плоскасці (жывапіс, графіка, рэльеф), з'яўляецца важным сродкам у падрыхтоўцы праектаў архітэктурных збудаванняў, увасаблення задумы скульптара.
