М.Г. працаваў памочнікам санітарнага лекара абласной эпідэмстанцыі. Менавіта ён і Ф.Казлоўскі 02.11.1956 прынялі рашэньне пра стварэньне партыі. Адстойваў прынцыпы настойлівай і карпатлівай працы па прыцягненьні ў партыю новых сябраў. Арыштаваны 09.02.1957. За ўдзел у ПСРН судовай калегіяй па крымінальных справах Гомельскага абласнога суда 16.09.1957 асуджаны на 10 гадоў турмы.
Далейшы лёс невядомы.
Кр.: 1. Архіў УКГБ па Гомельскай вобл. Сьледчая справа № 175.
Бібл.: 2. А.Градзіцкі Першы вопыт іншадумства: «Гомельскія дысыдэнты» 50-х гг. / Гомельшчына: старонкі мінулага. Нарысы. 2-гі выпуск. - Гомель 1996. С. 158-161; 3. А.Градзіцкі. Гомельскія дысыдэнты 50-х гг. // Навіны Палесься (Гомель). 29.04.1998. С. 4.
Алег Гардзіенка
