Прастора культурная, частка прыроднага асяроддзя, якая зведала ўплыў культурна-стваральнай дзейнасці чалавека і праз наяўнасць у ёй асобных культурных артэфактаў (напр., карціны, кнігі, часопісы, скульптурныя творы і інш.) аказвае на людзей выхаваўчае, эстэтычнае ўздзеянне. У П.к. ўваходзяць музеі, бібліятэкі, мастацкія галерэі, тэатры, кінатэатры, навучальныя і навукова-даследчыя ўстановы, архітэктурныя помнікі і г.д.
