горкі як асіна. Бых. Пра нешта вельмі горкае. ЖН, 91.
калаціцца як асіна. Лаг., Слон. Фалькл. Пра моцныя дрыжыкі, страх каго-н. Varłyha, 49; ЖН, 123.
Як у полі асіна - так і сіраціна: яе вецер гне і мачаха б'е. Светл. Прык. Пра горкую долю сіраты, якая церпіць і ад мачахі, і ад людзей. ПП 2, 102.
выперці як асіну ў лесе. Лаг. Пра падлетка, што выцягнуўся за кароткі час. Гілевіч 2007, 13.
улюбіцца як чорт у сухую асіну. Гл. чорт.
горкота ек осіна. Жытк. ТС 3, 267. Тое, што горкі як асіна.
Паведаміць пра недакладнасьць
