Створана на падставе:
Геолёгія, мінэралёгія, крышталёграфія. Менск: Інбелкульт, 1924.
Прадмова
Гэты выпуск «Беларускае навуковае тэрмінолёгіі» зьмяшчае ў сабе геолёгічныя, мінэралёгічныя і крышталёграфічныя тэрміны. З прычыны агульнасьці некаторых тэрмінаў, адсылаем у належачых выпадках да выпуска 3-га і 1-га навуковае тэрмінолёгіі. З палеонтолёгічных назваў вымершых жывёлаў і расьлін мы далі, як прыклад, толькі тыя, якія найчасьцей сустракаюцца, прычым некаторыя, найболей характэрныя, далі ў перакладзе на нашу мову (Жах-рыба і г. д.), большасьць-жа пакінулі ў міжнародным значэньні, толькі зь беларускай транскрыпцыяй.
Што датыча назваў мінэраляў і земных парод (іх болей як 6000), дык мы абралі толькі болей вядомыя; іншыя кожны, па патрэбе, сам лёгка перанясе ў беларускую транскрыпцыю. Апрацаваньне наступных тэрмінаў было даручана М. А. Грамыку.
М. Г.
