Якое гэта дрэва? - Бярэзіна. - Твая маці ваўкарэзіна. — Загадка і адгадка.

Як сам сябе за сраку ні кусіў. — Калі нехта сам на сябе наракае.

Як чорт у ваду перднуў. (Забурбаліла й сьціхла). — Калі нехта перад грамадой сказаў недарэчнае ці брыдотнае слова.

Яму сцы ў вочы, а ён кажа - дождж ідзе. — Аб прастаку, які не разумее абразьлівых словаў ці чынаў.

Я не хачу пад старую сраку ды маладыя ногі падстаўляць. — Адказвае стары мужчына, калі яму прапануюць жаніцца з маладой.

Я ня буду сраных пакрываць. — Кажа, хто ня хоча ставіцца ў абарону злачынцаў ці амаральных людзей.

Я табе скажу казку: «Пан зьвязаў гаўна вязку, абнёс каля калёс ды туц табе ў нос». — Жартуе баечнік, калі надакучылі, просячы казак.