-
1
годны -ая, -ае. ... Дастойны.
Мы рабілі ўсё, што маглі, каб у нашу арганізацыю і ў літаратуру ішло папаўненне якаснае, годнае. (І.Мележ) Былі і такія, што пры іншых абставінах маглі б зрабіцца годнымі, а можа, і вялікімі сынамі грамадства. (У.Караткевіч) А выбар толькі такі: годная смерць або агідная здрада. (В.Бечык) -
2
гойнасць -і, ж. Уласцівасць гойнага.
[Захар Іванавіч] тут жа даваў нырца ў ціхотна-сцюдзёную гойнасць возера, і белая галава плыўца вынырвала з вады, можа, метраў за пятнаццаць ад берага. (А.Масарэнка) -
3
гойны -ая, -ае.
1. Гаючы.
Весні дзень - гэта наша Воля. Гойны Вецер, што ў полі шуміць, - Ад Пагоні. (В.Шніп) Ён усё ж яшчэ быў хворы. Вільготна-цёплае, гойнае паветра грота суцешыла, і яго зноў агарнуў сон. (А.Масарэнка)
2. Шчодры, багаты.
Мне спадабалася зямля Суомі У шуме сосен, вадаспадаў громе, У нелінючай зеляніне гойнай, Якой яе ўпрыгожыў Вяйнямёйнен. (М.Танк) -
4
голаў галавы, ж. Галава.
А каб яны, гэтыя думкі, не лішне ўтамлялі голаў, ён адганяў іх ад сябе так: браў сякеру і ішоў калоць дровы. (К.Чорны) Дзесь між Прыпяццю, Дзвіной і Бугам, Дзе ад родных пахаў - голаў кругам... (Н.Гілевіч) -
5
горназдабыўны -ая, -ое. Заняты здабычай карысных выкапняў; горназдабываючы.
Болей за 95% прадукцыі горназдабыўной прамысловасці прыпадала на 3 замежныя кампаніі. (БелСЭ, III, 279) Праектаванне горназдабыўных прадпрыемстваў. (Звязда. 23.06.1976) -
6
Госпадзе клічная форма ад наз. Гасподзь, Госпад, м.
Даруй мне, Госпадзе, мой цяжкі грэх... (Н.Мацяш) Госпадзе, для чаго ж тады ўсё-ткі прыходзім?.. (Л.Галубовіч)
На запыт знайшлося 6 артыкулаў
Паведаміць пра недакладнасьць