ніжыня — супрацьлеглае вышыні.
Зробіў мне зэдлічак пад ногі вось такенечкай ніжыні.

нізь — нізіна, нізкае месца.
Там самая нізь, што ні пасей - вымакніць.

нікаць — дападаць, шныпарыць.
Так і нікае па кутках, каб дзе што вынюхаць.

ніўё — жніўё, лугавіна.
Яно па ніўю жатае, там не касілі.

нішцяк — нішто сабе, добра.
І ў бедных гасцях жывату нішцяк. А ён нішцяк хату паставіў.

ніякі — кепскі, шкодны.
Малец ейны такі ўжо ніякі, толькі шкоды й пілнуецца.