жыгалка — быстрая, порсткая; яшчэ — жарсная.
Малая такая жыгалка, як маланка. Так і жыгаіць жыгалка, каб за якога мальца зачапіцца.

жыгун — спрытны ў заляцаннях, юрлівы.
Такі жыгун у смаляной кабылкі выпрасіць і мёрзлай сучцы ўцісніць.

жыдавешачка — яўрэечка.
Такая ж ладная жыдавешачка - дачушка ў Сімкіна! (Колькі цеплыні!)

жыдзель, жыдзеллё — рэдкая страва.
Зварыць жыдзель такі, хоць сёрбай, хоць пі, хоць галаву мый.

жыллё — жылы.
Ей атняло ногі й жыллё падцягнула.

жымаласны — падцягнуты, зграбны, паджары.
А нашто лішняе мяса, мужыкі такія жымаласныя, крэпкія.