адцінак — адбітак [Гарэцкі]

адылі — а пасля, а далей; аднак [Гарэцкі]

азука — праворны, шустры, бойкі [Гарэцкі]

азызнуць — прамерзнуць, празябнуць [Гарэцкі]

амбарас — непрыемныя турботы, непакой [Гарэцкі]

амягаць — знемагаць (ад смагі, смеху, жадання чаго-небудзь і г.д.) [Гарэцкі]

апокуль — гультай, абібок [Гарэцкі]

асець — сушыльня ў гумне (з падвальнай печчу) для прасушкі снапоў перад малацьбой [Гарэцкі]

асочнік — лясны служка, які асочваў звяроў (рабіў асочку, аблаву) і памагаў панам на паляванні [Сыракомля]

асцюлькі — тонкія доўгія шчаціністыя вусікі на каласах некаторых злакаў [Гарэцкі]

асцягла — заўзята; вельмі настойліва [Гарэцкі]

асьміна — старая мера аб'ёму (чаго-небудзь сыпкага), або ёмістасць на тры пуды збожжа [Сыракомля]

атора — дробная салома з абмалочанымі каласамі [Гарэцкі]