кабат — састаўная частка беларускага народнага жаночага касцюма ў выглядзе безрукаўкі (гарсэт) [Гарэцкі]

кадак — тып фотаапарата [Гарэцкі]

кадаўб — драўляная пасудзіна, выдзеўбаная з суцэльнага кавалка драўніны [Сыракомля]

калавурка — вартоўня пры царкве [Гарэцкі]

калюга — глыбокая каляіна, выбоіна [Гарэцкі]

камлыжка — цвёрды камяк зямлі [Гарэцкі]

кацёл, м. Невялікая непраточная азярына, яма з вадой на лузе, акно на балоце. (ТС) - Стол., Жытк.
Семантычна блізкія словы: балаціна (разм.) 'невялікае балота, лагчына; балоцістае месца' (ТСБМ). [Шаблоўскі]

квакуха — квактуха [Гарэцкі]

котлішча, н. Адкрытае бяздонне на балоце (ТС) - Стол., Жытк. [Шаблоўскі]

крактавінне, н. [Топкае месца на балоце, замуражэлае зверху.]
У крактавінні такая травазялёная, што ня ўгледзіш бяды, як ускочыш у прорву (Сл. Гродз.) - Дзятл. [Шаблоўскі]

красін — газа [Гарэцкі]

крупеня — суп з ячнай крупы, панцаку [Гарэцкі]

крэкаць, ж. Глыбокае топкае месца ў балоце.
Крэкаць чорная, не высыхае летам, замярзае зімою. Як у крэкаць улезе конь, то не вылезе. Кінуліся ў тую крэкаць - там чатыры коні засело. У крэкаці вада, зямлі не відаць (СПЗБ) - Гарад. [Шаблоўскі]

кукобіць — пялегаваць, песціць, мілаваць [Гарэцкі]

куколь — пустазелле, якое расце ў збажыне [Сыракомля]

кумірня — невялікая язычніцкая малельня з кумірамі (статуямі язычніцкага бога) [Гарэцкі]

кунігас (летувіс.) — ксёндз [Гарэцкі]

купёла, ж. Балота сярод поля (НЛ) - Гарад. [Шаблоўскі]

курчына — асобная жэрдка (паліца) у хаце пад столлю для гаспадарчых патрэб [Гарэцкі]

кухан — невялікі салодкі коржык [Гарэцкі]