указэя — дзіва, штосьці нябачанае.
Указэя з яго, дый толькі. «Указэя, дзівосы, цуд!» (Ускрык захаплення.)

укаціць — нарадзіць.
Як укаціла два мальцы, мужык за галаву хапіўся.

укоптур, з коптурам — наліваць, насыпаць з верхам, па самыя берагі.
Малянкоўскую шклянку ўкоптур наліў, дык я спачатку адпіў, каб не распліхалася гарэлка. Не пашкадаваў сусед, наліў з коптуркам.

укрыўдзіць — пакрыўдзіць.
Ён ня ўкрыўдзіць цябе, ня бойся.