твержа — крэпасць, цытадэль

творидло — форма для вырабу сыроў

тегилей (тегиляй, тягиляй) — кафтан са стаячым каўняром і кароткімі рукавамі

теды прысл. — тады

тежъ (тэжъ) прысл. — таксама

текунъ (текачъ) — пасыльны, скараход, ганец

телско (тяло) — цела

темьяншчына — грашовы падатак за набыццё фіміяму (ладану)

тенда — занавеска, навес

теразъ прысл. — цяпер, зараз

терминъ (термина, тармена) —
1. копія; прабел старонкі;
2. тэрмін

тесельство — цяслярства

тескнити (тескнети) — сумаваць

тестаментъ — распараджэнне, складзенае ў вызначанай форме пра асабістую маёмасць на выпадак смерці; завяшчанне

течайня — незамерзлае месца ракі або возера

тивунъ (тивонъ) — службовая асоба мясцовай або дваровай адміністрацыі ў Вялікім Княстве Літоўскім, якая кіравала гаспадарскімі справамі, а таксама судом

тижба — натоўп

тимецъ (цимецъ) — гатунак замшы

тисавый — цёмна-гняды (пра масць коней)

тискъ — чан для выціскання вінаграду