лісіцы — лісічкі (грыбы).
Я за свае лісіцы нап'юся. Там соснік, а лісіцы па сосніку, па імху.

лістаноска — паштарка.
Адна лістаноска прывяла яе к нам.

літоўка — каса; яшчэ — пуня.
Цэлую лугавіну літоўкай за раніцу абсадзіў. Пуня-літоўка: дах на стаўбах. Толькі стаўбы й страха, а страха, як у пуні. Чатыры стаўбы, крэпкія такія.

ліцвяк — літовец (летувіс).
Ліцвяку ўсё па баку. Нешта ў нас ліцвякоў не любілі.

лішніца, лішэнь, лішак — збытак, лішняе.
Навошта мне лішніцу браць, бяру колькі паложана. Вярнуў сваё яшчэ з лішнём. І кійком аддзякаваў з лішаком.