Навіны

Выйшаў з друку Слоўнік беларускіх імёнаў

Выйшаў з друку Слоўнік беларускіх імёнаў.

Слоўнік беларускіх імёнаў.
І.Яшкін
Менск: Адукацыя і выхаванне, 2009. - 136 с.
ISBN 978-985-471-286-4
Наклад: 1000 асобнікаў.

У кнізе падаюцца мясцовыя беларускія ўласныя імёны XVI-XX стст. праваслаўнай і каталіцкай канфесіяў, іх паходжанне, народныя і запазычаныя формы. У наяўнасці 160 мужчынскіх і больш за 70 афіцыйных жаночых імёнаў (паводле слоўніка М.Судніка). Прызначана для ЗАГСаў, музеяў, мовазнаўцаў, гісторыкаў, географаў, дзяржаўных устаноў, пісьменнікаў, этнографаў.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку Тлумачальны слоўнік па інфарматыцы

Выйшаў з друку Тлумачальны слоўнік па інфарматыцы.

Тлумачальны слоўнік па інфарматыцы.
М.Савіцкі
Менск: Энцыклапедыкс, 2009. - 300 с.
ISBN 978-985-6742-83-8
Наклад: 100 асобнікаў.

Слоўнік-даведнік змяшчае больш за 2500 найбольш ужывальных тэрмінаў па інфарматыцы і вылічальнай тэхніцы. Кожны тэрмін прыводзіцца на беларускай і ангельскай мовах і даецца яго тлумачэнне на беларускай мове. Мэта слоўніка - спрыяць замацаванню беларускай тэрміналогіі па інфарматыцы і вылічальнай тэхніцы ў навуковай літаратуры і навучальным працэсе. Прызначаны для выкладчыкаў усіх тыпаў навучальных устаноў, аспірантаў, студэнтаў і школьнікаў. Можа быць карысным навукоўцам і спецыялістам рознага профілю ў галіне інфарматыкі і вылічальнай тэхнікі.

Пачалася праца над Этымалагічным слоўнікам фразеалагізмаў

У слоўніку раскрываецца гісторыя і паходжанне каля 1750 фразеалагізмаў сучаснай беларускай літаратурнай мовы, паказваецца сувязь іх сучаснага і першапачатковага, этымалагічнага значэння, жыццё фразеалагізмаў у часе і прасторы.

Выйшаў з друку даведнік Турысцкія рэгіёны Беларусі

Выйшаў з друку даведнік Турысцкія рэгіёны Беларусі.

Туристские регионы Беларуси.
Менск: Беларуская Энцыклапедыя, 2008. - 608 с.: іл.
ISBN 978-985-11-0384-9
Наклад: 3000 асобнікаў.

Кніга складаецца з 9 альфабэтных разьдзелаў, у якіх падаецца інфармацыя пра гісторыка-культурныя аб'екты і цэнтры турызму, гарады, гарадзкія пасёлкі, раёны, вобласьці, курорты і зоны адпачынку, асноўныя турысцкія прадпрыемствы, турысцкія маршруты, розныя віды турызму, прыродныя аб'екты, папулярныя сярод турыстаў, нацыянальныя паркі, запаведнікі, заказьнікі і да т.п. Кніга утрымлівае каля 1200 ілюстрацыяў, у тым ліку 125 мапаў. Выданьне разьлічана на турыстаў, работнікаў сфэры турызму, краязнаўцаў і аматараў актыўнага адпачынку. На расейскай мове.

Гэты даведнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку даведнік Каталіцкія храмы Беларусі

Выйшаў з друку даведнік Каталіцкія храмы Беларусі.

Каталіцкія храмы Беларусі. Энцыклапедычны даведнік.
А.Кулагін
Менск: Беларуская Энцыклапедыя, 2008. - 488 с.: іл.
ISBN 978-985-11-0395-5
Наклад: 3000 асобнікаў.

Выданне прысвечана касцельнаму дойлідству з часоў старажытнасці да нашых дзён. У ім змешчана інфармацыя пра вядомыя касцёлы, кляштары, капліцы, якія ўвайшлі ў скарбніцу сусветнай архітэктуры, а таксама малавядомыя помнікі і тыя, што не дайшлі да нас па розных прычынах.

Гэты даведнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку Комплексны лексічны слоўнік беларускай мовы

Выйшаў з друку Комплексны лексічны слоўнік беларускай мовы.

Комплексны лексічны слоўнік беларускай мовы (сінонімы, антонімы, амонімы, паронімы).
Л.Гамеза
Менск: ТетраСистемс, 2008. - 304 с.
ISBN 978-985-470-794-5
Наклад: 2000 асобнікаў.

Комплексны слоўнік падрыхтаваны ўпершыню з мэтай даць карыстальнікам зручны лексічны даведнік. У слоўніку пададзена каля 900 галоўных слоў, да іх - звыш 2900 сінонімаў, 700 антонімаў, 110 амонімоў і 70 паронімаў. Дадзены слоўнік служыць вучэбным мэтам. Разлічаны на школьную аўдыторыю. Можа зацікавіць шырокае кола карыстальнікаў, асабліва калі ўзнікаюць цяжкасці пад час працы над беларускім словам.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку даведнік Музеі Беларусі

Выйшаў з друку даведнік Музеі Беларусі.

Музеі Беларусі. Музеи Беларуси. Энцыклапедычны даведнік.
Менск: Беларуская Энцыклапедыя, 2008. - 560 с.: іл.
ISBN 978-985-11-0415-0
Наклад: 2100 асобнікаў.

У энцыклапедычным даведніку адлюстравана гісторыя развіцця і сучасны стан музейнай справы і музеязнаўства ў Беларусі, утрымліваецца інфармацыя пра гістарычныя, краязнаўчыя, мастацкія, літаратурныя, архітэктурныя, ваенныя, агульнанацыянальныя і ведамасныя музеі Беларусі. Кніга багата ілюстравана, выдадзена на дзвюх мовах: беларускай і расейскай.

Гэты даведнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку Арфаграфічны слоўнік беларускай мовы

Выйшаў з друку Арфаграфічны слоўнік беларускай мовы.

Арфаграфічны слоўнік беларускай мовы.
І.Кандраценя, Л.Кунцэвіч
Менск: ТетраСистемс, 2009. - 704 с.
ISBN 978-985-470-861-4
Наклад: 3100 асобнікаў.

Арфаграфічны слоўнік з'яўляецца даведнікам па правільнай і аднастайнай перадачы пісьмовай мовы. Яго аснову складае найбольш пашыраная агульнаўжывальная лексіка, якая можа выклікаць цяжкасці пры напісанні. У слоўнік уключаны новыя словы, якія яшчэ не зафіксаваны лексікаграфічнымі даведнікамі беларускай мовы. Лексічныя адзінкі падаюцца ў іх нарматыўным напісанні, з націскамі і граматычнай інфармацыяй. Слоўнік мае нарматыўны характар і разлічаны на вучняў сярэдніх школ і навучэнцаў сярэдніх спецыяльных устаноў, настаўнікаў беларускай мовы, абітурыентаў, а таксама ўсіх тых, хто цікавіцца беларускай мовай і імкнецца правільна, без памылак пісаць па-беларуску.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку Слоўнік новых слоў беларускай мовы

Выйшаў з друку Слоўнік новых слоў беларускай мовы.

Слоўнік новых слоў беларускай мовы.
В.Уласевіч, Н.Даўгулевіч
Менск: ТетраСистемс, 2009. - 448 с.
ISBN 978-985-470-860-7
Наклад: 2000 асобнікаў.

У слоўніку прадстаўлена лексіка беларускай мовы, якая з'явілася ў выніку кардынальных пераўтварэнняў у грамадска-палітычным, эканамічным і культурным жыцці краіны на мяжы XX-XXI стагоддзяў і актыўна выкарыстоўваецца ў перыядычным друку, а таксама ў тэкстах, змешчаных у сетцы Інтэрнэт. Усяго разгледжана каля 4500 слоў і выразаў, якія адлюстроўваюць практычна ўсе сферы сучаснага жыцця. Слоўнік дае разнастайную інфармацыю аб слове: тлумачэнне, прыклады ўжывання ў СМІ, стылістычную і граматычную характарыстыку, пры неабходнасці - этымалогію. Адрасуецца выкладчыкам, студэнтам, настаўнікам і вучням сярэдніх школ, работнікам друку, радыё і тэлебачання, а таксама ўсім, хто карыстаецца беларускай мовай.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!

Выйшаў з друку даведнік Мовы свету

Выйшаў з друку даведнік Мовы свету.

Мовы свету. Энцыклапедычны даведнік.
В.Рагаўцоў
Магілеў: УА «МДУ імя А.Куляшова», 2009. - 290 с.
ISBN 978-985-480-506-1
Наклад: 120 асобнікаў.

У даведніку даюцца звесткі пра мовы свету (каля 400), сем'і і групы моў (больш за 150). Змяшчаецца інфармацыя аб прыблізнай колькасці моўнікаў, прыналежнасці мовы да той або іншай сям'і або групы моў, тэрыторыі пашырэння, асаблівасцях гукавога ладу, граматыкі, лексікі, часе з'яўлення пісьмовасці, найстаражытных пісьмовых помніках, сацыяльным статусе (афіцыйная/дзяржаўная мова, мова міжэтнічных або побытавых зносін і да т.п.), вывучэнні. Падаецца таксама паказальнік моў. Для навуковых супрацоўнікаў, аспірантаў, студэнтаў - усіх, хто цікавіцца мовамі свету.

Гэты слоўнік можна набыць у Менску ў кнігарні «Эўрыка» - вялікі дзякуй краме за выходныя дадзеныя!