набажэнства, малебен, малебства, багамолле, богаслужэнне, служба, адправа / раніцай ці ў першай палавіне дня: абедня, імша, меса / увечары: вячэрня / з нагоды хрысцін, шлюбу, па нябожчыку: трэба / па нябожчыку: паніхіда

набівацца, надаражацца □ вешацца на шыю

набіць, пабіць; аддубасіць, адхадзіць (разм.) □ намацаць бакі, палічыць рэбры, даць лупцоўкі

набліжэнне, надыход, падыход

набожны, прававерны, багамольны, богамаленны, богабаязны

набыць, нажыць, дастаць, узяць, прыдбаць, займець, здабыць, раздабыць, расстарацца, выстарацца, прыстарацца, разжыцца, завесці / з цяжкасцю: агораць; справіць, пажывіцца, абабіць, узбіцца, арганізаваць (разм.); дабыць, папасці, згарусціць (абл.)

навакольны, акалічны, ваколічны, вакольны

наваселец, навасёл

наваселле, уваходзіны (мн.), уходзіны (мн.); улазіны (разм., мн.)

наведанне, візіт, адведкі (мн.), адведзіны (мн.), водведкі (мн.)

наведваць, наведвацца, даведвацца, адведваць, праведваць, завітваць / часта: часціць; заяўляцца, патыкацца (разм.) / часта: учашчаць (разм.); удавацца (абл.); заглядваць, заглядаць (перан.) □ паказваць вочы, паказваць нос, патыкаць нос

наведнік, госць; бывалец, прыхадзень, візітант (разм.)

навокал, навакол, вакол, вакола, вокала, укола, наўкол, кругом; укруг, наўкруг, наўкруга (абл.)

навошта □ якой хваробы (груб.)

навучанне, вучэнне, навука, вучоба, асвета, адукацыя, выкладанне, падрыхтоўка, муштра, муштроўка, муштраванне, заняткі (мн.); вышкаленне (разм.)

навучыцца, пераняць; насабачыцца (разм.) □ набіць руку

навучэнец, слухач

навыперадкі, наўзахваткі

нага / у жывёл з кіпцюрамі: лапа

нагнуцца, сагнуцца, схіліцца, нахіліцца