сабака, пёс / вартавы: аўчарка / паляўнічы: ганчак, ваўкадаў; цюлік, барбос (разм.) / дваровы: дварняк (разм.) / з кароткім ці ўрэзаным хвастом: курта (разм.); ваўкарэз (абл.); цюця, цюцька (дзіц.)

сабрацца, назбірацца, скучыцца, стоўпіцца / пеша: сысціся, насыходзіцца, пасыходзіцца / бягом: збегчыся, панабегчы; скупчыцца, згрудзіцца (разм.); зграмадзіцца (абл.); збіцца, зляцецца (перан.)

садавіна; плады, фрукты (мн.)

садзіцца, сядаць, усаджвацца, рассаджвацца

садраць, здзерці

сажалка / выкапаная: копанка; капаніца, копань, садок, стаў, ставок (абл.)

сакавік; марац (абл.)

сакаўны, сакавіты, сочны

салдат, радавы, баец / у польскім войску: жаўнер

салодкі; мядовы (перан.)

салома / у снапах пасля ручнога абмалоту: акалот

самабытны, своеасаблівы, арыгінальны

самалёт, аэраплан, паветраны карабель, паветраны лайнер / лёгкі: авіетка / бамбардзіровачны: бамбардзіроўшчык, бамбавоз / для знішчэння варожай авіяцыі: знішчальнік / той, што пікіруе: пікіроўшчык / знішчальны: ястрабок (разм.) / варожы: сцярвятнік (перан., зняваж.)

самалюбства, самаўпэўненасць, гонар, пыха, эгаізм; фанабэрыя (разм.); апломб, амбіцыя (кніжн.)

самаробны, уласнай работы / пра тканіну: саматканы, даматканы; самадзялковы, самадзелкавы (абл.)

самаўпраўна, самапраўна, самавольна

самацёк, стыхійнасць

самацёкам, стыхійна (перан.) □ само па сабе, само сабою

сані / нізкія шырокія без спінкі: развалкі / са спінкаю: вазок

санлівасць, дрымота, млявасць