гарняк, шахцёр / здабывае вугаль: вуглякоп (уст.) / здабывае руду: рудакоп (уст.)

гартаць, перагортваць, лістаць, пералістваць

гаршчок / з чыгуну: чыгун; гарнушак (разм.); саган, казан (абл.)

гарышча, гара, вышкі (мн.), падстрэшша, паддашак

гарэць / ярка: палаць, палыхаць / вялікім полымем: шугаць / слаба: курэць

гасціннасць, хлебасольства □ хлеб-соль

гвалтаўнік, насільнік; звер, тыран, дэспат (перан.)

гісторыя; летапіс (перан.)

глыбокі; бяздонны (перан.) □ без дна

глынуць, глытнуць, праглынуць; лыкнуць, каўтануць, каўтнуць, пракаўтнуць (разм.)

глыток; каўток (разм.)

глядзець, паглядаць, паглядваць, прыглядацца, прыглядвацца, углядацца, углядвацца, заглядацца, заглядвацца, заглядаць, заглядваць, разглядаць, разглядваць, пазіраць, узірацца / скоса: касавурыцца, касурыцца (разм.); упівацца (перан.) □ кідаць погляд, кідаць позірк, не спускаць вачэй, не зводзіць вачэй, упівацца вачамі, упівацца зрокам, ускідаць вочы / скоса: касіць вачамі; тарашчыць вочы, казеліць вочы, лыпаць вачамі, лыпіць вочы, страляць вачамі, шворыць вачамі

гнілы, трухлявы, трухлы, збуцвелы, патлелы, прэлы, сапрэлы, перапрэлы

гнуцца, угінацца

гнявіць, злаваць, абураць, раздражняць, цвяліць, ятрыць; настырняцца (разм.) □ уводзіць у гнеў, уводзіць у злосць

гняздо / буслінае: буслянка, буслоўка

годзе, даволі, досыць, хопіць; досць, до, досі, будзе, квіта, баста, амба, шабаш (разм.) □ стой, пастой, стоп, канец, кончана, усё, кропка, клямка

голад, галадоўка, недаяданне / у жывёлы: бяскорміца; галадоўля, галадаванне, галадуха, галаднеча, бясхлеб'е, бясхлебіца (разм.)

голы, аголены, неадзеты

горад; места (уст.)