скукарэжыць — скруціць, сагнуць.
Як скукарэжыла галаву й плечы болямі, не разагнуцца.

скуматы — шматкі, кавалачкі, акраўкі.
Нічога з гэтых скуматоў не пашыіш.

скумаціць — шкуматаць, клычыць.
Прышлі, а сабака авечку скумаціць.

скупаваць — скнарыцца, скупіцца.
Скупы скупуіць, а чорт мех гатуіць.

скупінда — скупы, сквапны.
У гэтай скупінды зімой лёду не разжывешся.

скуралуп — жывадзёр; яшчэ — сквапны, бязлітасны.
Той скуралуп і з жывога й з мёртвага скуру злупіць, абы грошы.