распаўсюджваць, шырыць, пашыраць, пускаць, распускаць, сеяць, разводзіць, разносіць, папулярызаваць, прапагандаваць

распуснік, блуднік, юрлівец, донжуан, лавелас; бабнік, хахаль, жарабец, бугай, кныр (разм., груб.-праст.) □ кот марцовы

распуста, разбэшчанасць, разлажэнне, грэх; блуд (разм.)

расстанне, разлука, развітанне, адвітанне, адыход, ад'езд; ростань, розвіт, адыходак, адыходзіны (разм.)

раставаць, тапіцца; таяць (абл.)

растлумачыць, вытлумачыць, паясніць; разжаваць (разм.) □ раскрыць; вочы

расхістаць, раскалываць

расці, вырастаць, выростаць / бурна: буяць, шугаць; шалець, цягнуцца (перан.)

расцэнка, такса

расчараванне, расчараванасць, разувер'е

расчаравацца, разуверыцца, зняверыцца, страціць веру; апячыся (перан.) □ апусціць рукі

расшчодрыцца, раздобрыцца

ратавацца, выратоўвацца; вырабляцца (разм.)

рашуча, катэгарычна