цалеръ (цалюръ) — драўляны брус

цаля — адзінка вымярэння даўжыні, роўная прыкладна шырыні пальца

цапа — цвёрдая шкура

цатка — упрыгожанне ў выглядзе бляшкі, падвескі да рамня

цвилихъ (твилихъ) — палатно, тканае ў дзве столкі

цвичати — навучаць, удасканальваць

цвиченье (цвичэне) —
1. навучанне;
2. дасведчанасць;
3. вучэнне

цеберъ —
1. цэбар;
2. адзінка вымярэння вадкасці

цевка —
1. косць у ніжняй частцы канечнасці;
2. маток нітак;
3. мера залатых нітак

цедула (цадула, цидула) —
1. скрутак;
2. дакумент; запіс судовага рашэння

цекавза — турма

цекляръ — службовая асоба ў Вялікім Княстве Літоўскім, якая займалася вышукам і затрыманнем злачынцаў

цело (целе) прысл. — усё цалкам, поўнасцю

целья — келья

центнеръ — асноўная адзінка вагі ў сістэме мер Вялікага Княства Літоўскага пры аптовым гандлі металам, роўная беркаўцу (74,96 кг)

цепликъ (цапликъ) — стужка

цессия — уступка

цехмистръ — старшыня аб'яднання рамеснікаў (цэха)

цехъ —
I (цеха)
1. прыкмета, рыса;
2. метка, кляймо
II аб'яднанне рамеснікаў адной ці некалькіх блізкіх прафесій для вытворчасці, збыту сваёй прадукцыі, а таксама для абароны ад самавольства феадалаў

цимбалъ — званок (у гадзінніку)