плазма, плазмаком — упасці ніц.
Урэзаўся плазма, аж іскры ўваччу. Плазма кідаюць дровы.

плаўздаць — поўзаць па-пластунску.
Плаўздаў па траве, і каленькі зялёныя.

племянютанька — ласкавы зварот да пляменніка.
А племянютанька ты мой, чаго ж так рэдка бываіш?

плоць — плоткі (зборнае).
Плоць з белай спіной стаіць у возіры.
(Польскае płoć — плотка.)

пляніца — сіло.
З конскага воласу скручваюць як бы вяровачку. Каб волас не выслізваўся, мачаюць у попел. Потым робяць петлі, якія замацоўваюцца на дошчачцы. Кладзецца сала ці сыплюцца крупы для прынады.