подворникъ — слуга ў двары князя

подворотное прым. у знач. наз. — падатак за правоз тавару праз вароты

поделити в лыко — падзяліць зямлю на часткі, вымяраючы іх лыкам

подешлый — пажылы

подзоръ — падол

подигуменья — намесніца ігуменні

подканцлерый (подканцлеръ) — намеснік канцлера, хавальнік малой дзяржаўнай пячаткі Вялікага Княства Літоўскага

подкоморский судъ — спецыяльны судова-адміністрацыйны орган у Вялікім Княстве Літоўскім, які разглядаў спрэчкі аб межах зямельных надзелаў

подкоморый — суддзя ў падкаморскім судзе, галоўны межавы суддзя

подконюший —
1. службовая асоба ў Вялікім Княстве Літоўскім, намеснік канюшага;
2. ганаровы тытул (з 16 ст.)

подлугъ зл. — па, згодна, паводле, адпаведна

подлый — нізкі, нізкага роду

подобенство — прытча, алегорыя

подперети —
1. падперці;
2. перан. падмацаваць, прывесці доказы

подписокъ — памочнік пісара ў земскім судзе

подсада — прымесь, прымешка

подскарбий — вышэйшая службовая асоба ў Вялікім Княстве Літоўскім, якая загадвала дзяржаўным скарбам; дзяржаўны казначэй

подстароста (подстаростий) —
1. намеснік старасты;
2. наглядчык замка, аканом маёнтка

подстолий (подстольникъ) —
1. намеснік стольніка;
2. ганаровы тытул, які надаваўся знатным магнатам і шляхцічам (з 16 ст.)

подступокъ —
1. паклёп, нагавор;
2. падлог, ашуканства