стодольникъ — трымальнік стадолы, карчмы; карчміт

столецъ (вдовий) — шасцімесячны тэрмін пасля смерці мужа, калі ўдава магла выйсці зноў замуж (інакш яна страчвала плату за пасаг ад мужа)

столмахъ — сталяр, карэтнік

стольникъ —
1. прыдворная службовая асоба, якая адказвала за сервіроўку стала вялікага князя;
2. ганаровы тытул, што надаваўся знатным феадалам і шляхце

стонути — патануць, утапіцца

стопа — адзінка вымярэння даўжыні, роўная прыблізна 32,5 см

стопень — ступень, этап

сторожовщизна — плата за ахоўніцкую павіннасць

сторона:
˜ сторона болючая — ісцец; той, хто пацярпеў;
˜ сторона ображеная — ісцец, жалобнік;
˜ сторона отпорная — назва адказчыка пры разглядзе судовай справы;
˜ сторона поводовая — ініцыятар судовага разбору справы;
˜ сторона позваная — адказчык у судовым працэсе

стоять стязи у знач. — стаяць вайсковыя атрады

страта права — пройгрыш судовай справы

страхаръ (стрехаръ) — майстар, які крыў стрэхі; страхар

стреленье (стрельбище) — адзінка вымярэння адлегласці выстралу, роўная 60-80 м; выстрал

стрещи — сцерагчы, вартаваць

стрий (стрый) — дзядзька па бацьку, брат бацькі

стрикусъ — сякера

стрихъ (штрыхъ) —
1. верх;
2. перан. упрыгожанне, вярхушка;
˜ под стрихъ — насыпаць да верху

стричокъ — вяроўка

стросканый — змучаны, знепакоены

строфоване — выкрыванне, ганьбаванне, зняслаўленне