докучно прысл. — пакутліва, нясцерпна

долгодневный — цярплівы

долгодушный — стойкі, цярплівы

долгофортунный — доўгі і шчаслівы (пра жыццё)

долгъ (довгъ) —
1. доўг - тое, што пазычана або ўзята ў пазыку;
˜ въ долгу (долзе) — у якасці платы за доўг;
˜ долгъ голый — пазычаная сума грошай без працэнтных налічэнняў;
˜ долгъ злодейский — абавязацельства па выплаце грошай за крадзеж;
˜ долгъ рукодайный — пазычаныя грошы, перададзеныя з рук у рукі;
2. абавязак, павіннасць;
˜ долгъ прырожоный — смерць;
˜ долгъ прырожоный заплатити — памерці;
˜ долгъ смерці — непазбежнасць смерці

доле прысл. — унізе

долегати —
1. непакоіць, турбаваць, мучыць;
2. датычыцца, мець адносіны да каго-н. або чаго-н.

долеглость —
1. крыўда, уціск, знявага;
2. недамаганне, нямогласць, немач;
3. запатрабаванне;
4. права, правамоцтва

доленица — частка

долина —
1. даліна;
2. роў, калдобіна; баразна

долинка —
1. невялікая даліна;
2. заглыбленне, шчарбінка

доловина — нізкае месца на ворным полі

долокъ — ямка, упадзіна

доломанъ — кароткі мужчынскі плашч

долу прысл. — уніз;
˜ приклонитися долу — быць пакорлівым

домнение — уяўленне, думка

домниманье —
1. меркаванне, думка;
2. падазрэнне

домовникъ —
1. той, хто жыве ў каго-н. у доме, дамачадзец;
2. мясцовы жыхар

домовство —
1. сям'я; дамачадцы;
2. дамашняя гаспадарка

донатариуш — атрымальнік