раскусіць
Галаву згубіць як арэх раскусіць. Гл. арэх.
залгаць як гарэх раскусіць. Гл. арэх.
Чалавек не арэх - не раскусіш. Гл. арэх.

расол
як расолам умыты. Астр. Пра панурага, засмучанага, прыгнечанага чалавека. Даніловіч, 244.

распароць
Блін не клін - бруха не распора. Гл. клін.

расплюшчаны
хадзіць як расплюшчаная жаба. Гл. жаба.

распусціўшы
пяяць бы пявун, распусціўшы хвост. Гл. пявун.

распяты
як Ісус Хрыстос распяты. Гл. Ісус.

рассоха
ходить як на разсохах. Смал. п. Кплів. Пра няўклюдную хаду каго-н. Добровольский ІІІ, 87. ≺ Рассоха - дрэва, жардзіна з развілістым канцом.

растапырка
хадзіць як растапырка. Слаўг. Няўхв. Пра непрывабную хаду чалавека. Нар. слов., 78.

растаяць
як растаў. Глуск. Пра бясследнае непрыкметнае знікненне каго-н. Высл., 430.

расхрыста
хадзіць як расхрыста. Пух. Няўхв. Пра чалавека, які ходзіць у незашпіленым адзенні. СЦБ, 155.

расцвітаць
гэты свет як макаў цвет: зранку расцвітае, да вечара ападае. Гл. цвет.
як мак расцвітае. Гл. мак.

расцягваць
расцэнкі як гармонік, як хочаш, так і расцягвай. Гл. гармонік.

расчоска
трэба як лысаму расчоска. Гл. лысы.
трэба як сабаку расчоска. Гл. сабака.
дарвацца як лысы да расчоскі. Гл. лысы.

расянка
высмактаць каго як расянка камара. Докш. Пра вымучванне каго-н. цяжкой працай, пастаяннымі прыдзіркамі, з'едлівымі дакорамі. МК, 317; Санько, 120.

раўгеня
хлеб салодак як раўгеня. Пра смачны хлеб прыемнай закваскі. Носович, 544. ≺ Раўгеня - рэдкая страва з запаранай і заквашанай жытняй мукі, кулага.

рачанец
ждаць як убогі рачанца. Гл. убогі.

рашпіль
твар як рашпіль. Паст. Няўхв. Пра шурпаты калючы твар кагосьці. СПЗБ 5, 97.

рашчына
трапіць (улезці) як таракан у рашчыну. Гл. таракан.
убіцца як сучка ў рашчыну. Гл. сучка.
ускочыць як кот у рашчыну. Гл. кот.
круціцца як сучка ў рашчыня. Гл сучка.
узняцца як цеста на рошчыне. Гл. цеста.

раяль
іграць як кот на раялі. Гл. кот.

рваць
Гора як зеллё: колькі не рві - кожны год новае. Гл. зелле.
бы собакі рвуць за ногі. Гл. сабака.