кацянёнак
насіцца як кошка з кацянёнкам. Гл. кошка.

кацяня
дурэць як кацяняты. Ухв. Пра малых дзяцей, што забаўна сваволяць. Янк., Пар., 57.

качалка
пакаціцца як качалка. Івац. Пра лёгкае, хуткае перамяшчэнне каго-, каго-н. ЗЗайкі. ≺ Качалка - качалкі, прыстасаванне для разгладжвання тканіны, бялізны і інш.

качан
галава аблезла як качан. Смал. п. Пра чалавека з аблыселай галавой. Добр., Смол., 206.
Галава што качан капусты: хоць і вялікая, але без розуму. Брэсц., Чэрык., Мін. Насмешл. Пра чалавека, які робіць неразумныя ўчынкі. ЛЦ, 44.
круглы як качан. Пра коратка абстрыжаныя валасы. Янк., 411.

качар
закручваюцца валасы як у качара. Карэл. Ухв. Пра трохі кучаравыя валасы. Высл., 323.
розуму няма што ў качара. Капыл. Насмешл. Пра чалавека не вельмі разумнага, які робіць нешта не падумаўшы. ФА.

качарга
баба што качарга. Гродз. Зневаж. Пра худую, сагнутую, нязграбную жанчыну. СПЗБ 2, 444.
скорчыцца як качарга. Вілен. Няўхв. Пра чалавека, які прывык горбіцца, сутуліцца. Sielicki, 162.
рукі як качоргі. Вілен., Івац. Няўхв. Пра нязграбныя, нялоўкія рукі. Sielicki, 162; ЗЗайкі.
насіцца як баба з качаргой. Гл. баба.
доля горкая як дым на качарзе. Гл. дым.

качарэжны
упёкся як качарэжны дым. Гл. дым.

качка
ісці як (быццам) качка плыве. Ваўк. п., Клім. Ухв. Пра роўную, плаўную хаду кагосьці. Federowski, 48., Бялькевіч, 114; Янк., Пар., 80.
ненаедны (ненажэрны) як качка. Няўхв. Пра чалавека з празмерным апетытам. Янк., Пар., 114.
плаваць як качка ў вадзе. Мін. Ухв. Пра чалавека, які добра, упэўнена трымаецца на вадзе. ЛЦ, 74.
плёхацца як качка ў вадзе. Дзярж. Пра чалавека, які ўпэўнена адчувае сябе ў вадзе. Высл., 373.
спрытны як качка на вадзе. Глуск. Ухв. Пра спрытнага, увішнага, хуткага чалавека. Высл., 388.
сядзець як качка на яйках. Іўеў. Насмешл. Пра чалавека, які ціха сіднем сядзіць дома. Сцяшковіч, 615.
улезці як качка ў шмаравідла. Люб. Насмешл. Пра траплянне каго-н. у брудную, непрыемную справу. ФА.
нос як у качкі. Няўхв. Пра пляскаты непрывабны нос. Янк., Пар., 115.

качолка
тоўсты як качолка. Рэч. Пра тоўсценькага, круглага чалавека. Матэрыялы 1981, 118.

качулка
поўны як качулка. Мсцісл. Юрчанка, 186. Тое ж.

каша
понаравіцца як каша Максіму. Стол. Насмешл. Пра нешта, што прыйшлося каму-н. да густу. ТС 4, 242.
снег як каша. Івац. Пра мокры, вязкі снег. Янк., Пар., 153; ЗЗайкі.
Галава не жывот, кашай не наб'еш. Гл. жывот.
Гаспадарку весці - не кашу есці. Прык. Пра цяжкасці гаспадарання. Янкоўскі, 22.
любіць як кашу з маслам. Воран. Насмешл. Пра шчырыя добрыя пачуцці да каго-, чаго-н. Даніловіч 2008, 136.
чыстая падлога, хоць кашу лажы. Івац. Насмешл. Пра добра вымытую, вышкрабаную падлогу. ЗЗайкі.
круціцца як кот вакол гарачай кашы. Гл. кот.
маўчаць быццам поўны рот кашы. Мін., Хоц. Няўхв. Пра чыё-н. адмоўчванне. ЛЦ, 65.
хадзіць як кот каля гарачай кашы. Гл. кот.

кашаль
падлезці як кашаль пад хваробу. Гродз. Асудж. Пра ўмяшанне каго-н., што толькі пагоршыла ход спраў. Цыхун, 189.
памагае (трэба, патрэбны, прыстаў) як кашаль у хваробе. Ваўк. п., Арш., Гродз., Івац., Капыл., Люб., Зэльв., Маладз., Уздз., Ушацк., Шальч. Іран. Пра выпадак не дапамогі, а шкоды. Federowski, 215, 224; Ляцкий, 33; Сержпутоўскі 1999, 138; Юрчанка 1977, 249; Ройзензон, 78; Высл., 360; Сцяшковіч, 604; СПЗБ 3, 374; Высл., 311; Янк., 404; АВНЛ; Барадулін, 100; ФА; ЗЗайкі.
патрэбен як кашаль у кольцы. Іран. Пра нешта зусім не патрэбнае. Dybowski, 16.
трэба як хваробе кашаль. Гл. хвароба.
З каханнем як і з кашлем - не схаваешся. Прык. Пра цяжкасці схаваць ад іншых свае пачуцці. Янкоўскі, 69.

кашляць
такая праўда як вош кашляе. Гл. вош.

кашуля
як у адной кашулі хрышчаныя. Гл. адна.

кашэль
плесці як стары дзед кашалі. Гл. дзед.