набздзець
сядзець як мех набжджаны. Гл. мех.
смярдзіць як нача тхор набздзеў. Гл. тхор.

набілкі
пабегчы як чорт з набілак. Гл. чорт.

набіты
пазіраць як набіты сабака. Гл. сабака.

набіць
народу як кіем набіта. Гл. кій.
як калком набіта [цэрква людзей]. Гл. калок.
Галава не жывот, кашай не наб'еш. Гл. жывот.

набраць
бясслоўны як вады ў рот набраў. Гл. вада.
маўчаць як вады ў рот (у губы) набраў (набраўшы). Гл. вада.

набэдрыкі
як да курыцы набэдрыка. Гл. курыца.
ідзе (пасуе, падыходзіць, прыстала, прыходзіцца) як карове набэдрыкі. Гл. карова.

набэрдзаць
[ну й панчоху робіш]: вочкі ўсё роўна як куры набэрдзалі. Гл. курыца.

набягаць
Бяда як дуда: зачнеш дуць, аж слёзы набягуць. Гл. дуда.
жыць як набяжыць. Стаўб., Рас., Івац. Пра жыццё, калі прыходзіцца жыць так, як складваюцца абставіны. МК, 89; ФА; ЗЗайкі.

наваражыць
як чорт наварожыць. Гл. чорт.

наваяваць
так хто накасіў як немец наваяваў. Гл. немец.

наверх
выйдзе як аліва наверх. Гл. аліва.
Праўда як алей: што ні рабі, то яна наверх выйдзе. Гл. алей.
Праўда як аліва, выйдзе наверх. Гл. аліва.

наводны
дзяўбсці як курыцу наводную. Гл. курыца.

навой
як навой. Мсцісл. Пра тоўстага і непаваротлівага чалавека. Юрчанка, 191.

навыварат
чысты як комін навыварат. Гл. комін.

навязаны
як навязаный. Мсцісл. Няўхв. Пра надакучлівага чалавека. Юрчанка, 191.

нага
абрасці як авечая нага. Слуцк. Жарт. Пра няголенага чалавека. ФА.
патрэбен як сабацы (сабаку, сабакі) пятая нага (лапа). Гл. сабака.
як хоча левая нага каго, чыя. Іран. Пра недарэчныя, безразважныя ўчынкі, дзеянні таго, хто лічыцца толькі са сваім жаданнем. ФСБМ 2, 64.
ісці як не сваімі нагамі. Ваўк. п., Слуцк., Мсцісл. Няўхв. Пра хваравітае адчуванне, страту валодання сваімі канечнасцямі. Federowski, 48, 122; Нос., 58; Сержпутоўскі 1999, 45; Юрчанка 1969, 114.
трашчаць як арэхі пад нагамі. Гл. арэх.
дурны як бот [парваны, з левай нагі]. Гл. бот.
Жаніцьба не лапаць - з нагі не скінеш. Гл. лапаць.
Прывычка не атопак: з нагі не скінеш. Гл. атопак.
як Пятроў бот з левай нагі. Гл. бот.
падскочыць быццам наступіў босай нагой на бітае шкло. Мін. Пра вострую рэакцыю каго-н. на штосьці для яго балючае. ЛЦ, 73.
ажаніцца як нагу ў бот уставіць. Мядз., Маст. Пра выгодныя ўмовы жаніцьбы для жаніха. Высл., 281; ФА.
усё гатова як нагу ў бот уставіць. Сміл. Пра камфортныя ўмовы, калі ўсё падрыхтавана і гатова. Шатэрнік, 65.
стаяць як на курынай назе. Ваўк. п. Іран. Пра нешта ненадзейнае, хісткае стаянне чаго-н. Federowski, 289.
свечка ек конёва нога. Жытк. Пра вялікую свечку. ТС 5, 20.
бы собакі рвуць за ногі, так заморышса. Гл. сабака.
каго хоць з даху скінь, а ён, як кот, стане на ногі. Гл. кот.
крычаць як ногі паламаўшы. Капыл. Няўхв. Пра чалавека, які моцна раскрычаўся. ФА.
рад як бы бога за ногі злавіў. Гл. Бог.
як мёртвага ногі. Гл. мёртвы.
дбаць як сабака аб пяту ногу. Гл. сабака.

нагавіцы
як дух па ганавіцах. Гл. дух.
як сабаццы ў ганавіцах. Гл. сабачка.
апусціцца як ліхія (рваныя) ганавіцы. Івац. Няўхв. Пра абдзёртую, неахайную жанчыну. ЗЗайкі.
бегаць як з жарам у нагавіцах. Гл. жар.

нагайка
Лайка не нагайка: на плячах не ляжыць. Прык. Пра адрозненне лаянкі ад бойкі, лупцоўкі. Нос., 72.

нагуляцца
нагуляцца як каза на вяроўцы. Гл. каза.

надаедлівая
гудзець як надаедлівая муха. Гл. муха.