кгелда — дом, пабудаваны купецкай гільдыяй

кгембикъ — стоўбік, невялікая калона

кгерада (кгерадъ) — пасаг, выправа нявесты (адзенне, бялізна, пасцель)

кгермица — гатунак сукна

кгимъ —
1. чыстае золата;
2. адзенне з тканіны, вышыванай або тканай залатымі ніткамі

кгинчалъ — кінжал

кглейтъ —
1. ахоўная грамата, пропуск для праезду па пэўнай тэрыторыі;
2. ахова

кглиозовати — даваць каментарый на палях кніг, дакументаў

кглиотъ — буйны шрот, куля

кглосомъ прысл. — уголас

кгмахъ (гмахъ) — будынак, пакой

кгминъ (гминъ, кгменъ) — народ, грамадства, абшчына

кгомолка — сыр цыліндрычнай, конусападобнай ці авальнай формы

кгоронцый —
1. інтэнсіўны, насычаны (пра колер);
2. неадкладны

кграбство —
1. зборн. ад кграбя;
2. тытул графа; графская годнасць;
3. зямля, якая належала графу

кграбя —
1. граф, уладарны феадал;
2. вышэйшы саноўнік

кгранатъ —
I каштоўны камень, гранат
II гармата, якая страляла разрыўнымі снарадамі

кграпка — металічны пруток для пісьма

кграция — прыязнасць, ласка

кграцовати — замешваць вапну, гліну і пад.