жекглевати — плаваць па моры

жекгляръ — марак

жекгнати —
1. развітвацца; праводзіць каго-н.;
2. хрысціць

железа — чума, маравая пошасць

женути —
1. гнаць; выганяць, праганяць;
2. прымушаць рабіць што-н.; падганяць;
3. гнацца за кім-н., імчацца

жеребей (жеребий) —
1. жэрабя;
2. жараб'ёўка;
3. мера зямлі, дзялянка, зямельны надзел;
4. доля, частка;
5. узор, малюнак

жерело —
1. крыніца;
2. горла, адтуліна, жарало;
3. рэчышча

жибентяй (жебентяй) — асоба, якая забяспечвае двор палівам і асвятленнем

живелъ (живиолъ, живюлъ) — стыхія (адзін з асноўных элементаў прыроды)

живица — смала

живне прысл. — як мага хутчэй

живность —
1. харчаванне, правіянт;
2. усякая хатняя жывёла і птушка, прызначаная для ўжывання ў ежу;
3. жыццё

животный —
1. жывёльны;
2. які адносіцца да жыцця, жыццёвых праяўленняў, пачынанняў;
˜ книги животные — кнігі жыцця, у якія, па хрысціянскаму веравучэнню, заносіліся ўчынкі, дзеянні праведнікаў;
3. які адносіцца да жывата (страўніка, кішэчніка і пад.)

животъ —
1. жыццё;
˜ въ животе не стало — няма ў жывых;
˜ до живота — да канца жыцця, да смерці;
˜ животъ даровати — памілаваць;
˜ животъ дати — а) даць жыццё; б) аддаць жыццё;
˜ животъ доконати — дажыць да канца жыцця, памерці;
˜ животъ положити (скончати, утратити) — страціць жыццё, памерці;
˜ за живота, въ животе, при животе — пры жыцці, за час жыцця;
˜ по животе — пасля смерці;
2. жыццяпіс;
3. спосаб жыцця;
4. усё жывое;
5. жывот як частка цела чалавека і жывёл;
6. маёмасць, рэчы;
7. жывёліна

жигати — паліць

жизень — смага

жизный — урадлівы, ураджайны

жировати —
1. пасвіцца, харчавацца;
2. перан. жыць, знаходзіцца ў дастатку

жировный — пашавы

жиръ —
1. тлушч;
2. магчымасць; спрыяльныя ўмовы