звадити — пасварыць

звадца — паклёпнік; той, хто падбухторвае да сваркі

звазненье — варагаванне, сварка

звалчити (звальчити) — перамагчы, адолець, заваяваць

зваснитися — пасварыцца, узбунтавацца, разбушавацца

зведомье — веданне, інфармаванасць;
˜ подъ зведомьемъ — з ведама

звездаръ — астраном; астролаг; варажбіт па зорках

звездозаконие — навука аб зорках, астраномія

звездозорецъ —
1. астраном; астролаг;
2. той, хто нясе вартавую службу высока ў гарах, назіраючы за зоркамі і межамі дзяржавы

звездочесный — астралагічны

звездочетецъ — той, хто вывучае зоркі, іх рух і размяшчэнне

зверцадло —
1. люстра;
2. вобраз, прыклад;
3. частка шчыта (воінскіх даспехаў)

зверяница — Венера (планета)

звествованье — паведамленне

зветрети — выветрыцца, згубіць галоўныя ўласцівасці

звечистый — спрадвечны, адвечны

звинути — згарнуць

звитяжати — перамагаць, браць верх над кім-н., чым-н.

звлока — затрымка, адклад

звлочати — марудзіць