лоб
вылазіць як вош на лоб. Гл. вош.
лёд як лоб. Слон. Ухв. Пра моцны, цвёрды, гладкі лёд. Высл., 341.
папасці як у лоб куляю. Ухв. Пра нешта трапна сказанае. Янк., 420.
сказаў як у лоб даў. Пра нечаканае паведамленне. Крэмнеў, № 1001; Янкоўскі, 107.
уперціся як два казлы лоб у лоб. Гл. казёл.
адзін (анно) як вока [у лобе, у ілбе]. Гл. вока.
адно дзіця як вока ў лобе. Гл. вока.
двое дзетак як дзве окі ў лобе. Гл. вока.
трэба як вош на лобе. Гл. вока.
глядыш як ока в лобу. Гл. ока.

логава
абставіць як ваўка ў логаве. Гл. воўк.

ложка
Вуха як ложка, а не чуе ні трошка. Прык. Жарт. Пра слабую функцыю знешне нармальнага органа. Federowski, 342.
Вочы як ложкі, а не бачаць (не відзяць) ані трошкі. Прык. Жарт. Пра слабы зрок, неадпаведны знешняму выгляду. Dybowski, 15; Federowski, 335.

лой
як почка ў лаю. Гл. лой.

лом
праўда як лісіца на леташнім ламе скваркі пякла. Гл. лісіца.
у каго сватоў як у зайца ламоў. Гл. заяц.
у каго даўгоў як у зайца ламоў. Гл. заяц.
як лом з'еўшы (глынуўшы). Валож. Іран. Пра чалавека, які стаіць роўна, не рухаючыся. Даніловіч, 232.

лонскі
патрэбны (так страшан) як лонскі снег [на градах]. Гл. снег.

лоск
ляжаць як лоск. Лоеў. Пра вялікую колькасць пабітых людзей на полі бою. Янкова, 181.

лось
насіцца як ласі. Глыб. Няўхв. Пра бегатню дзяцей, падлеткаў са стукам і грукатам. Высл., 356.
блішчаць як лось. Мін. Ухв. Пра хатнюю добра адкормленую жывёлу. ФА.
здорову ек лось. Жытк. Ухв. Пра дужага, здаровага чалавека. ТС 3, 44.
лежаць ек лось у болоці. Пра ахвотніка доўга спаць. ТС 3, 44.
пашоў бы натчэ лось. Слуцк. Пра чалавека, які ўпэўнена, хутка пайшоў. Сержпутоўскі 1999, 68.
спрытны як лось. Ухв. Пра лоўкага, хуткага чалавека. Янк., Пар., 155.
статны як лось. Івац. Ухв. Пра віднага, статнага, зграбнага мужчыну. Янк., Пар., 157; ЗЗайкі.

лоўма/лойма
растрэпаны валасы як у лоўмы. Слон. Пра растрапаную жанчыну. Federowski, 172. ≺ Лойма - чарціха ў міфалогіі літоўцаў і народаў суседніх раёнаў.

лошадзь
нарадзіцца як к свадзьбе лошадзь. Гл. свадзьба.