адурэлы
бегаць як адурэлы. Клім. Асудж. Пра мітуслівую бязмэтавую бегатню. Бялькевіч, 47.

адхадзіць
схуднець быццам сем баб адхадзіла. Гл. баба.
як сто (сем) баб адхадзіла каго. Гл. баба.

адымка
чорны як адымка. Няўхв. Пра бруднае, неахайнае адзенне, рэч. Станкевіч, 40. ≺ Адымка - ануча для вымання чыгуноў з печы.

Адэльск
лад як у Адэльску на кермашы. Гродз. п. Іран. Пра беспарадак. Federowski, 4. ≺ Адэльск - мястэчка каля Гродна.
толк як у Адэльску. Гродз. Няўхв. Пра беспарадак дзе-н. Высл., 399.

адэльскі
чыста як на ярмарку адэльскім. Гл. ярмарка.

Адэля
пагуляць як Адэля ў Кузьмах. Іўеў. Насмешл. Пра дрэнна, не ў задавальненне адбытую гулянку. Сцяшковіч, 613.

Адэса
як бог y Адэсе, на цёплым месце. Гл. Бог.