злюбити —
1. паабяцаць, абавязацца; дамовіцца;
2. аказаць давер;
3. палюбіць, упадабаць

злюбъ — дамоўленасць, пагадненне

злютоватися — злітавацца, зміласцівіцца

злякненне — спалох, перапуд

злякчоный — занепакоены

змаза —
1. бруд, пляма;
2. недахоп, загана;
3. грэх, нядобры ўчынак;
4. знявага, ганьбаванне

змалити — зрабіць малым, паменшыць

змежы прыназ. — з, сярод, паміж

змена —
1. перамена, замена;
2. упамінанне, згадка;
3. поле як кампанент трохпольнай сістэмы земляробства

зменковати — згадваць, упамінаць

змерити —
I вызначыць памер
II
1. прыцэліцца, прыняць адпаведную позу для стральбы;
2. намерыцца, імкнуцца

змерлый (змарлый) —
1. які памёр;
˜ змарлая рука — нябожчык;
2. у знач. наз. нябожчык

змертвыхвстанье (змартвыхвстанье) — уваскрэсенне

зметати —
1. знесці, разбурыць, разламаць;
2. сагнаць, прагнаць, прымусіць пайсці;
3. зняць, скінуць;
4. зваліць, скласці ў адну кучу, састагаваць

змешкати —
1. пажыць, пабыць нейкі час дзе-н.;
2. затрымацца, прыпазніцца

змизати — знікаць

змирщина — мірнае вырашэнне спрэчкі

зможность — магчымасць

зморкговати — абмераць, вызначыць плошчу ў моргах

зморщка — маршчына