Пожалел волк кобылу - оставил хвост да гриву — Злітаваўся рак над жабаю дый вочы выдраў = Злітаваўся так, як над жабаю рак = Любіў рак жабу, аж вочы выеў = Пашкадаваў воўк казла: пакінуў ногі ды хваста = Ад панскай дапамогі не пацягнеш ногі

Поживем - увидим — Пажывем далей, угледзім болей = Пажывем, пабачым больш = Хто дажыве, той паглядзіць = Што было, то бачылі, а што будзе - пабачым

Позднему гостю - кости — Хто позна ходзіць, той сам сабе шкодзіць = Апошняму госцю лыжка ў качарэжніку = Астаўцу з аўцу або ніяк = Апошняму ці многа, ці нічога = Хто позна прыязджае, той косці агрызае = Спазніўся пан да абеда, а вячэра не зараз

Поймать с поличным — На гарачым учынку злавіць = У хапку злавіць

Пойти насмарку — У глум пайсці = На пшык з'ехаць

Пойти прахом — З ветрам пайсці = З дымам пайсці

Показать, где раки зимуют — Навучыць, дзе ўюны зімуюць = Даць перцу з імберцам

Показать кузькину мать — Паказаць, дзе камар козы пасе = Паказаць, дзе горкі перац расце

Показывать пятки — Пяты падмазваць = Маху даваць = У лозы даваць

Пока трава зазеленеет, кобыла околеет — Пакуль сонца ўзыдзе, раса вочы выесць = Пакуль тое настане, калом спіна стане = Пакуль да Бога, то чорт душу выйме = Пакуль тое настане, шмат вады сплыве

По крайней мере — Прынамсі

Положить живот — Жыватом налажыць = На нажы скіпець (ускіпець) = Рукі сашчапіць

Получить кукиш с маслом — Дулю з'есці = Трасцу (трасцы) схапіць

Получить по шее — Па карку схапіць (дастаць) = Лупня зарабіць = На абаранкі зарабіць = Лазню дастаць = Дразда паскакаць (заскакаць)

По милости — З ласкі = Праз ласку

Поминай как звали — Ужо і па клёцках = Толькі і чулі = І следу не стала

Понимать как свинья в апельсинах — Знацца як свіння на саладзінах (на перцы, на пастах, на бязмене) = Разумець як баран на бібліі

По одежке встречают, по уму провожают — Пазнаюць нашу дачку і ў андарачку = Не пазнаюць, то папытаюць = Не адзежа здобіць (харашыць) чалавека, а чалавек адзежу = Лыкам чалавека не мераюць = Не ўсё тое кепска, што на пагляд = Не глядзі, што на галаве, а паглядзі, што ў галаве

Попался, который кусался — Трапіў, жучку, у панскую ручку = Трапіў, дзедку, у клетку

Попасть в опалу — У няласку (у няміласць) трапіць = Ад ласкі аддаліцца