бальзаміна, -ы, ж. Аднагадовая пакаёвая і садовая расліна сямейства бальзамінавых з яркімі ружовымі кветкамі.

бальзамінавы, -ая, -ае. 1. Які мае адносіны да бальзаміны. 2. у знач. наз. бальзамінавыя, -ых. Сямейства двухдольных раздзельнапялёсткавых раслін.

бальзаміраванне, -я, н. Дзеянне паводле знач. дзеясл. бальзаміраваць.

бальзаміраваны, -ая, -ае. Дзеепрым. зал. пр. ад бальзаміраваць.

бальзаміравацца, -руецца; незак. Зал. да бальзаміраваць.

бальзаміраваць, -рую, -руеш, -руе; незак., каго-што. Насычаць труп асобымі рэчывамі, каб прадухіліць ад гніення.

бальзаміроўка, -і, ДМ -роўцы, ж. Дзеянне паводле знач. дзеясл. бальзаміраваць.

бальзаміроўшчык, -а, м. Спецыяліст па бальзаміраванню.

бальзаміроўшчыца, -ы, ж. Жан. да бальзаміроўшчык.

бальзамічны, -ая, -ае. Які дзейнічае, як бальзам. Дзед і ўнук сядзелі на тэрасе. З нетраў веяла бальзамічным водарам маладой лістоты. Караткевіч.

бальзамны, -ая, -ае. Які дае бальзам. Бальзамнае дрэва.

бальзамоўшчык, -а, м. Спецыяліст па бальзамаванню.

бальзамоўшчыца, -ы, ж. Жан. да бальзамоўшчык.

бальнеагразелячэбніца, -ы, ж. Лячэбніца для лячэння хворых гразямі і водамі.

бальнеалагічны, -ая, -ае. Які мае дачыненне да бальнеалогіі. Бальнеалагічны курорт.

бальнеалогія, -і, ж. Галіна медыцыны, якая вывучае хімічны састаў і лячэбнае ўздзеянне мінеральных вод і гразей. [Ад лац. balneum — лазня і грэч. logos — вучэнне.]…

бальнеатэрапія, -і, ж. Лячэнне мінеральнымі водамі і гразямі.

бальнеатэхніка, -і, ДМ -ніцы, ж. Раздзел санітарнай тэхнікі, прызначаны ствараць на аснове дадзеных бальнеалогіі неабходныя ўмовы для засцярогі мінеральных вод ад спусташэння…

бальнеолаг, -а, м. Спецыяліст у галіне бальнеалогіі.

бальніца, -ы, ж. Установа для стацыянарнага лячэння хворых. Раённая, абласная бальніца. Палажыць у бальніцу хворага. Ляжаць у бальніцы.