кгамаинъ —
1. гатунак аксаміту;
2. каштоўны камень

кгамратка — распусніца

кгамратства — распуста

кгарловый (гарловый) — зроблены з шыйных частак футра пушных звяроў

кгарло (кгардло) — горла;
˜ досведчить деспекту на кгардле — пакараць зневажальніка смерцю;
˜ запечатовати гарломъ — клясціся жыццём

кгармистръ — старшы рыбак

кгарнекъ (гарнекъ) —
1. пасудзіна для прыгатавання і захоўвання вадкіх і сыпкіх страў;
2. мера вадкіх і сыпкіх рэчываў (3,28 л);
3. пасудзіна ёмістасцю ў 1 гарнец

кгауръ (кауръ, гауръ) — гяур (пагардлівая назва іншаверца ў магаметан)

кгачи (гачи) — штаны, нагавіцы

кгвалтити (гвалтити, квалтити) —
1. гвалціць, сілай дамагацца чаго-н.; здзекавацца;
2. парушаць агульнапрынятыя прававыя ці маральна-этычныя нормы

кгвалтовность —
1. раптоўнасць;
2. сіла, моц

кгвалтъ (гвалтъ, квалдъ) —
1. гвалт, насілле; беззаконны напад на каго-н. або захоп чужой маёмасці;
˜ квалтъ домовый — узброены напад на чый-н. дом;
2. прымус, уціск, прыгнёт;
3. прымушэнне жанчыны да палавога акта сілай;
4. штраф, грашовая плата за ўчынены гвалт;
5. сялянская і мяшчанская павіннасць, згодна з якой усе працаздольныя сяляне або мяшчане абавязаны былі з'яўляцца на работу туды, куды ім загадаюць;
˜ гвалтъ гребильный — павіннасць працаваць на пабудове і ўмацаванні грэблі;
6. моц, сіла;
7. мноства, вялікая колькасць;
8. крык, лямант, шум

кгвардыкгардыя (гвардыгардыя) — памяшканне для ваеннага каравула

кгвардыянъ (гвардыянъ, кгардыянъ) — настаяцель манастыра

кгваръ — сімвалічны жэст, якім ісцец перад судом даваў адказчыку гарантыю ў тым, што не зменіць зместу сваёй скаргі;
˜ забечи гваромъ — напомніць істцу пра ўчынены ім акт гвару

кгвихтъ (кгвинтъ) — гіра для вагі

кгволи (гволи, кволи) прыназ. —
1. згодна з чыёй-н. воляй, інтарэсамі, схільнасцямі;
2. для, дзеля;
3. з-за, з прычыны

кгвяздаръ — астраном

кгелда — дом, пабудаваны купецкай гільдыяй

кгембикъ — стоўбік, невялікая калона