кукарэку
застыць як певень пасля кукарэку. Гл. певень.

кукушка
ганяць як кукушку па крапіве. Гом. Няўхв. Пра настойлівае пераследванне каго-н. ЗВалодзінай.
харашо каму як кукушцы ў лесе пасля Пятра. Гом. Іран. Пра цяжкія, пакутлівыя ўмовы жыцця кагосьці. ЗВалодзінай. ≺ У павер'ях, пасля Пятра птушкі пераследуюць зязюлю, б'юць яе, і тая абарочваецца ястрабам.

кулак
гурдзелка як кулак. Смарг. Няўхв. Пра вялікі кадык у кагосьці. Шаталава, 46. ≺ Гурдзелка - валляк, кадык.
ігрушы велькія што кулак. Глыб. Ухв. Пра вялікія грушы. СПЗБ 2, 338.
вочы як кулаке. Зэльв. Няўхв. Пра надта вялікія выпуклыя вочы ў каго-н. Жыв. сл., 139.

кулацкі
сярдзіты як кулацкі сабака. Гл. сабака.

кулачок
устаць рано, бы чэрці на кулачку. Памянш. Стол. Пра абуджэнне без пары, уночы. ТС 2, 249.
Сам мужычок з кулачок, а зла як у казла. Маладз. Прык. Насмешл. Пра малога задзірлівага мужычка. ПП 2, 257.

кулеш
дрыжаць як Аўгіннін кулеш. Кір. Насмешл. Пра чые-н. дрыжыкі ад страху. ДА.
Розум не кулеш, у голаву не ўліеш. Прык. Пра немагчымасць перадаць свой розум, свае веды камусьці іншаму або без намаганняў авалодаць навукай. СЦБ, 205.
[вы ўсе] харашы як дзятлы ў куляшы. Гл. дзяцел.
харашы як клёцкі ў куляшы. Гл. клёцка.

кулёк
як кулёк. Мсцісл. Пра туга падпаясанага чалавека. Юрчанка, 188.

кулёма
як кулёма. Астр. Насмешл. Пра вельмі цёпла апранутага чалавека. Даніловіч 2010, 91.

кулёчак
як кулёчак. Памянш. Мсцісл. Юрчанка, 188. Тое, што як кулёк.

Куліна
гнуцца як Хомка перад Кулінай. Гл. Хомка.

кулля
усесціся як кулля на вяселлі. Барыс. Жарт. Пра жанчыну, якая недзе важна расселася. ФА.

куль
ляцець кулём. Люб. Пра імклівае, стрымгалоў перамяшчэнне. Скарбы, 172.
падаць кулем. Жытк. Пра вельмі стомленага чалавека. ТС 2, 249.
як кулём на дно. Карм. Пра нешта, што рэзка і адразу пайшло на дно. МК, 312; Санько, 68.
тоўсты як куль саломы. Слуцк., Віц. Пра тоўстага невялікага чалавека. Сержпутоўскі 1999, 65; Нікіфароўскі, 1924, 17.
хадзіць як куль. Касц., Мсцісл. 1. Пра тоўстага чалавека. 2. Пра чалавека, які многа на сябе апрануў. Матэрыялы 1981, 48; З нар. сл., 240.
як куль. Мсцісл., Леп. Пра чалавека, які многа на сябе апрануў. Юрчанка, 256; ЗВалодзінай.

кульба
ніс бы кульба зогнёны. Драг. Насмешл. Пра нейчы курносы нос. Лучыц-Федарэц, 222.

кульбачка
як да свінні кульбачка. Гл. свіння.

куля, гл. таксама пуля
вылецець адкуль як куля. Светл. Пра імклівае, рэзкае аднекуль выскокванне, выбяганне. Высл., 296.
жых як [быстра] куля (пуля). Ваўк. п., Мсцісл. Пра нешта, што вельмі хутка мільгнула. Federowski, 133, 160; Нар. лекс., 176.
трапіць (папасці) як куляй у плот. Ваўк. п., Слуцк. Насмешл. Пра некага, хто трапіў у сітуацыю, якую цяжка абмінуць. Federowski, 219; Сержпутоўскі 1999, 134; Янк., 432.
трапіць як у сцяну куляй. Гл. сцяна.
папасці як у лоб куляю. Гл. лоб.

кум
як кум у ворку сядзіць. Воран. Насмешл. Пра маўклівага, заклапочанага чалавека. СПЗБ 3, 46.

кумак
твар як кумак. Мсцісл. Пра чырвонашчокі твар здаровага, румянага мужчыны. Юрчанка, 189.

кумпячок
хлопчык як кумпячок. Памянш. Лаг. Ухв. Пра моцнае, здаровае дзіця. Высл., 410.

кумушочык
крепінькій як кумушочык. Памянш.-ласк. Мсцісл. Ухв. Пра моцнае здаровае дзіця. Юрчанка 1993, 210.

купа
сядзець як купа. Люб. Няўхв. Пра чалавека, які занадта вольна рассеўся і займае шмат месца. ДА.