кусаць
балить усё маё тела, як псюк пад каленками кусаеть. Гл. псюк.

куст
абібок мяняе работу як цыган куст. Гл. цыган.
галава як куст. Краснап. Няўхв. Пра непрычасаныя, кудлатыя валасы. Бялькевіч, 228.
выскачыць як жаба з куста. Гл. жаба.
ляпнуць як з-за куста. Ваўк. п., Кір. Няўхв. Пра недарэчнае, непрыгожае выказванне каго-н. Federowski, 161; АВНЛ.
віляць як сабака хвастом паміж палкай і кустом. Гл. сабака.
спаць чуйна як заяц пад кустом. Гл. заяц.
пайсці як пчала між кустоў. Гл. пчала.
сядзець на куце як сава ў кусце. Гл. сава.

Кутуз
прагнаць як Кутуз пранцуза. Навагр. Пра рашучае, смелае выгнанне каго-н. Даніловіч, 231.
убірацца як ад Кутуза Банапарт. Жарт. Пра адступленне, ганебныя ўцёкі. Энеіда навыварат.

кухня
цесна як двум бабам на кухні. Гл. баба.

куцця
як ад куцці да Каляд. Астр., Смарг. Жарт. Пра нядоўгі, кароткі прамежак часу. Даніловіч, 212.
наесціся як на куццю. Лід. Ухв. Пра вельмі сытны, уволю наедак. Леп., 90; Даніловіч, 236.
сена як куццю падаслаць. Насмешл. Пра зусім невялічкую колькасць сена, якога хапіла б толькі падаслаць на калядны стол. Янк., Пар., 146.
сядзець як куцця. Лаг. Ухв. Пра паважнае, непарушнае, спакойнае прабыванне, сядзенне дзе-н. Варлыга 1966, 81.

куча
трэсціся як жыд над кучай. Гл. жыд.
глядзець няма на што, а мужыкі як жукі на кучу лезуць. Гл. жук.

кучка
сядзець як гною кучка. Гл. гной.

кучма
ходыть як тая кучма. Івац. Няўхв. Пра неахайнага, непрычасанага чалавека. ЖН, 11.

кятурка
як кятурка старога дзеда. Даўг. Насмешл. Пра неакуратнага чалавека. СПЗБ 2, 598. ≺ Кятурка - шырынка.