сланечнік, гл. таксама сонечнік
дзіця цягнецца да маці як сланечнік да сонца. Мін. Пра матчына цяпло, неабходнае дзіцяці. ЛЦ, 82.
спакойна як у сланечніку пры дарозе. Іран. Пра адсутнасць якога б ні было спакою, бо ў сланечнік пастаянна хтосьці заходзіць паласавацца. Янк., 428.

слата
лезці ў вочы як (абы, нека) слата. Івац. Раздраж. Пра дакучлівага чалавека, які навязваецца іншаму, іншым. Federowski, 163; Янк., 413; Нар. слов., 77. ≺ Слата - дрэннае надвор'е з дажджом і снегам; перан. - надакучлівы чалавек.
ляжаць як слата. Брасл. Ухв. Пра вялікую колькасць патраўленых мух. СПЗБ 4, 479.
напасці як слата. Ваўк. п. Няўхв. Federowski, 197; Янк., Пар., 134. Тое, што лезці ў вочы як слата.
прычэпіцца (чапляцца) ек слота. Жытк., Круп. Раздраж. ТС 4, 263; СПЗБ 4, 479. Тое ж.

слаць
гаварыць як пухам слаць. Гл. пух.
языком меле як хвастом сцеле. Гл. хвост.
гаварыць як лістам слаць. Гл. ліст.

след
наплутаць як заяц слядоў. Гл. заяц.

следзь
худы як следзь. Івац. Няўхв. Пра кагосьці непрыемна худога. ЗЗайкі.

слепіца, гл. сляпіца

сліва
нос як сліва. Ваўк. п., Бярэз. Няўхв. Пра апухлы нос. Federowski, 404; ФА; Янк., 417.
салодкая як з мёдам сліва. Гл. мёд.
вочы як слівы. 1. Пра нечыя вялікія лупатыя вочы. 2. Пра вочы характэрнага колеру слівы. Янк., Пар., 27.
завалкі як сьлівы. Слуцк. Пра павялічаныя гланды пры захворванні. ДА.
дарвацца (набрацца) як Гапон [да] сліў. Гл. Гапон.

слівень
тоўсты як слівень. Касц. Няўхв. Пра азызлага, тоўстага чалавека. ЛЦ, 75.

слівіна
апухнуць як слівіна. Лаг. Пра пухліну асобных частак цела. Varłyha, 14.

сліж
круглы як сліж. Смарг. Пра тоўстага, круглага чалавека. СПЗБ 4, 482. ≺ Сліж - брус, якім замацоўваюць насціл моста.
слізкі як сліж. Слон. Пагардл. Пра нешта або некага слізкіх, непрыемных. Нар. лекс., 57. ≺ Сліж - малюск.

сліжань
халодны як сліжань. Бялын. Пра нешта халоднае. Яўсееў, 94.

слімак
прыстаць як слімак да грыба. Мін. Няўхв. Пра нейчае непрыемнае, дакучлівае прыставанне. ЛЦ, 119.
як слімак (сліманнё). Віц., Мсцісл. Пра тоўстага чалавека. Никифоровский, 154; Юрчанка 1977, 22.

слімень
ходіть як слімень. Лоеў. Няўхв. Пра тоўстага, запаволенага чалавека. Янкова, 331.
як слімень. Мсцісл. Пра кагосьці тоўстага, сытага. Высл., 375.

сліна
грошы як сліна [пойдуць]. Слон. п. Няўхв. Пра хуткае знікненне, разыходжанне грошай. Pietkiewicz, 117.
добро пошло так як сліна. Стол. Няўхв. ТС 2, 23. Тое, што грошы як сліна.
прапасці як сліна. Ваўк. п., Івац. Няўхв. Пра хуткае і лёгкае знікненне, разыходжанне чаго-н. Federowski, 244; ЗЗайкі.
слабкія ніткі як сліна. Сміл. Няўхв. Пра тонкія някрэпкія ніткі. Шатэрнік, 258.
як сліну плюнуць. Слуцк. Пра хуткае, лёгкае выкананне пэўнай працы. ДА.

слова
як слова мувіць [лёгка]. Ваўк. п. Пра лёгкае, хуткае выкананне якой-н. справы. Federowski, 282; Янк., Пар., 185.
як слова сказаць. Стаўб. МК, 318. Тое ж.

слоік
буракі як слоікі. Смарг. Ухв. Пра вялікія буракі, добры ўраджай. СПЗБ 4, 486.
прапасці як слоік з плоту. Слон. Жарт. Пра бясследнае, невядома дзе знікненне чаго-н. Даніловіч, 249.

слон
хадзіць як слон па бутэльках. Воран. Асудж. Пра чалавека, які няўклюдна, нязграбна, няспрытна ходзіць. Даніловіч, 249.
як слану шраціна каму што. Слон. Жарт. Пра зусім слабы неадчувальны ўдар камусьці. Высл., 431.

слонка, гл. таксама слонца, сонца

слуп
маўчаць як слуп. Ваўк. п. Няўхв. Пра маўклівага няўцямнага чалавека. Federowski, 181.
падымацца ад зямлі да аблокаў як слуп. Пра густы туман. НН, 291.
стаяць як слуп. Стаўб. Няўхв. Пра чалавека, які нерухома і доўга стаіць. МК, 247.
вочы слупам сталі. Стаўб. Пра позірк, які выражае здзіўленне альбо жах. МК, 41.

слупак
стаяць як слупак пры дарозе. Шчуч. Няўхв. Пра чалавека, які стаіць нерухома на адным месцы. Даніловіч, 253.