По крайней мере — Прынамсі

Положить живот — Жыватом налажыць = На нажы скіпець (ускіпець) = Рукі сашчапіць

Получить кукиш с маслом — Дулю з'есці = Трасцу (трасцы) схапіць

Получить по шее — Па карку схапіць (дастаць) = Лупня зарабіць = На абаранкі зарабіць = Лазню дастаць = Дразда паскакаць (заскакаць)

По милости — З ласкі = Праз ласку

Поминай как звали — Ужо і па клёцках = Толькі і чулі = І следу не стала

Понимать как свинья в апельсинах — Знацца як свіння на саладзінах (на перцы, на пастах, на бязмене) = Разумець як баран на бібліі

Попасть в опалу — У няласку (у няміласць) трапіць = Ад ласкі аддаліцца

Попасть в переплет (в переделку) — У нерат трапіць = У балота ўскочыць = Семдзесят сем агнёў пабачыць = Уліпнуць як муха ў саладуху (як цюцька ў гразь) = Ублытацца як муха ў павуцінне = Трапіць як мыш у пастку (як верабей у шалку, як прусак у саладуху) = Улезці як сучка ў збан (як шчупак у нерат, як муха ў смалу, як прусак у рошчыну)

Попасть впросак — У прычыну ўпасці = Пашыцца ў дурні = Сораму набрацца = Укляпацца

Пора и честь знать — Трэба й меру ведаць = Хопіць піць, хопіць дурыць, ці не час нам пакаяцца, пайсці дамоў параіцца, што заўтра рабіць

Пороть (нести) ахинею (вздор, ерунду, галиматью) — Грушы на вярбе вярзці = Смалянога дуба плесці = Мех з кайстраю плесці = Казу лабатую плесці = З дуба вецце збіраць (хапаць, плесці) = Кашалі з лапцямі (кашалі без дужак) плесці = Рабой кабыле сон расказваць = Пра жураўля на хвойцы расказваць

Порочный круг — Заганнае кола

После дождичка в четверг — На тое лета, пасля абеда, гэтакаю парою = Заўтра ў тую пару, калі рак паляціць з вады ўгару

Потерять из виду — З вока спусціць = З вачэй згубіць

Потерять расположение — Ласку страціць

Потерять рассудок — Ад розуму адысці = Розуму крануцца

Потерять стыд (совесть) — Сарама пусціцца = Сумленне страціць = У сабачую скуру ўшыцца (пусціцца) = Вочы заплюшчыўшы (рабіць)

Почить вечным сном — На вечны спакой сысці = Навекі заснуць = Светам загавець

По щучьему велению — На шчупакова казанне