Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі Бібліяграфія
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1933 артыкулы)

Вынікі пошуку
 
а  б  в  г/ґ  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
а  в  к  о  р  у  ы  
 
Старонкі: 1  2  3  


На ваш запыт знойдзены 46 артыкулаў

  1. Табакерка растабакерчылася й вытабакерчылася. — Жартаўлівая гульня цяжкіх да вымовы словаў, скарагаворка. Азначае: табакерка апусьцела.
  2. Табе й памерці часу ня будзе. — Жартуюць з праз лад пільнага да работы чалавека.
  3. Тады дзіця трэба біць (вучыць), як перак лаўкі ляжыць. — Дзіця трэба прывучаць да добрых налогаў і паводзінаў з самых малых гадоў.
  4. Тады маю, як у руках трымаю. — Прыказівае той, хто ня вера абяцанкам.
  5. Такі сьвет настаў, што ні палажы, ні пастаў. — Гэтак старыя людзі даводзяць, што чым навейшы век, тым большае шальмоўства між людзей.
  6. Так ні ўсяды, як на Дзяды. — Прыказваюць бацькі ці гаспадар, калі дзеці ці работнікі наракаюць, што харчаваньне пагоршылася.
  7. Там Бог жыве. — Аб тых, дзе жывуць у вялікай згодзе.
  8. Там добра, дзе нас німа, а дзе мы жывём - там пуга з вузлом. — Прыказваюць таму, хто наракае, што дрэнна жывецца, дзе ён жыве, а ўсюды далей добра.
  9. Там талька, а там балька. — Калі ў нейкай пральлі нітка няроўная - дзе тонкая, а дзе таўстая.
  10. Там ужо й Бог аступіўся. — Дзе няма ладу, няма згоды, няма жыцьця.
  11. Танная мяса сабакі ядуць. —
    1. Калі нехта хваліцца, што нешта танна купіў.
    2. Прыказваецца й таму, хто танна прадае сваё сумленьне.
  12. Танцаваў ды ні скланіўся. — Калі нехта добра выконваў сваю работу, але дрэнна закончыў.
  13. Танцаваць трэба вучыцца, а работу гора навуча. — Гэтак жартуюць з тых маладых дзяцюкоў, дзяўчат, якія болей увагі аддаюць танцам, а работы ня ўмеюць.
  14. Танцуй уража, як пан кажа. — Гэтак упікаюць таму, хто прадаўся чужынцу й працуе ў ягоную карысьць, а на шкоду сваім.
  15. Тань, ды тавару ні гань. — Пры куплі можна й танна даваць за тавар, але ня трэба прыдумляць, што тавар хвальшывы.
  16. Тапор у карчму папёр, а сякера дома сядзела. — Гульня словаў, жарт-прыказка й разам загадка. Тапор - гаспадар, сякера - гаспадыня. Гаспадар пашоў у карчму, а гаспадыня дома сядзела.
  17. Татава хата. — Гэтак жартам называюць вязьніцу.
  18. Тваё дзела цілячча: зьеў пойла ды атпруць у хлеў. — Прыказваюць дзецям ці падлеткам, калі тыя ўмешваюцца ў справы старэйшых.
  19. Твой язык разам і таўчэ, і меля. — Калі нехта ў гутарцы адначасова хоча двум праціўным баком дагадзіць.
  20. Ткні язык у сраку й памяшай кашу. — Агідная лаянка на таго, хто сказаў агіднае ці абразьлівае слова.

Старонкі: 1  2  3  
 
Прыказкі Лагойшчыны   Прыказкі Лагойшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2022