На запыт знайшоўся 231 артыкул

  1. 181
    бурак
    чырвоны як бурак. Ваўк. п., Слуцк., Сміл. Насмешл. Звычайна пра чалавека з чырвоным тварам (у тым ліку ад сораму). Federowski, 70; Ром., Бел., 299; Сержпутоўскі 1999, 79; Шатэрнік, 37; Янкоўскі, 95.
  2. 182
    бурачок
    Мой хвор мужычок, да красён як бурачок; а я здарова, да жоўта як маркова. Памянш.-ласк. Прык. Не ўсе здаровыя, якія такімі выглядаюць. Нос., 78.
  3. 183
    бурбалка
    набраць як бурбалак на вадзе. Пра марнасць намаганняў штосьці зрабіць. Янк., Пар., 108.
    дзяўчынка як бурбалка. Маладз. Ухв. Пра дагледжаную, сытую дзяўчынку. ФСБМ 1, 473; Гілевіч 2007, 71.
    лопнуць як бурбалка. Беласт. Іран. Пра нейкую справу, пачынанне, што хутка закончылася нічым. «Ніва», 1978, № 46.
    скула як бурбалка. Сміл. Пра вялікую скулу, якая нарывае. Шатэрнік, 38.
    моцы ў каго/дзе як у бурбалцы на вадзе. Іран. Пра нешта эфемернае, слабое, што хутка знікае. Янк., Пар., 104.
  4. 184
    буржуазія
    глядзець як Ленін на буржуазію. Гл. Ленін.
  5. 185
    буркала
    бурчаць як буркала. Мсцісл. Няўхв. Пра надакучлівае, нуднае, раздражнёнае бурчанне, сварку. Юрчанка 1969, 52.
  6. 186
    бурклівы
    як свёкар бурклівы пурхаць. Гл. свёкар.
  7. 187
    буркнуць
    прапаў як чорт у ваду буркнуў. Гл. чорт.
  8. 188
    бурлак
    здаровы, чырвоны як бурлак. Мядз. Ухв. Пра здаровага чырванатварага мужчыну. Высл., 327.
  9. 189
    буры
    выскачыць як чорт з бурага балота. Гл. чорт.
  10. 190
    бурыла
    як бурыла. Швянч. Няўхв. Пра злоснага, грубага чалавека. СПЗБ 1, 245.
  11. 191
    бусел, гл. таксама буська, буцян
    браць як бусел у дзюбу. Астр., Івац. Пра далікатнае, акуратнае трыманне чаго-н. ФА.
    даўганогі (даўгалыгі, пустыгалы, дліннаногі) як бусел. Краснап., Беласт., Бран. Насмешл. Пра чалавека з тонкімі доўгімі нагамі. Янк., 404; Бялькевіч, 16; «Ніва», 1978, № 16; Расторгуев, 281.
    дзыгаць як бусел. Пра адпаведныя рухі чалавека. Янк., Пар., 53. ≺ Дзыгаць - скакаць.
    нахапацца як бусел жаб. Навагр. Насмешл. Пра ежу спехам, на скорую руку. Даніловіч 2008, 136.
    хадзіць як бусел ля вады. Маладз. Пра характэрную паходку кагосьці. Высл., 411.
    хадзіць як бусел па балоце. Сміл. Шатэрнік, 38. Тое ж.
    цыбаты як бусел. Пра высокага даўганогага чалавека. Янк., 439.
    нос як у бусла дзюба. Зэльв. Жарт. Пра доўгі востры нос. Янк., Пар., 115; Сцяцко 2005, 61.
    шыя доўга як у бусла. Ваўк. п. Пра доўгую хударлявую шыю. Federowski, 301.
    як у бусла дзюба. Гродз. Пра нешта тонкае, доўгае. Цыхун, 75.
    накласці як буслу на гняздо. Ваўк. Пра нешта накладзенае абы-як. СПЗБ 3, 152.
  12. 192
    буська
    ножышча ек у буська доўгіе. Стол. Пра доўгія цыбатыя ногі. ТС 5, 279.
    дыбаць бы бусько по болоту. Стол. Насмешл. ТС 2, 48. Тое, што хадзіць як бусел па балоце.
    ек бусько жабу - коўць, і нема. Стол. Пра кароткую расправу над некім. ТС 2, 227.
  13. 193
    буськаў
    парадак як у буськавым кубле. Гл. кубло.
  14. 194
    бутэлька
    дурны як бутэлька ад газы. Докш. Жарт. Пра пустагаловага чалавека. Высл., 316.
    збітая як бутэлька. Шальч. Ухв. Пра жанчыну моцнага целаскладу. СПЗБ 2, 276.
    як слон па бутэльках. Гл. слон.
    прычапіцца як п'яніца да бутэлькі. Гл. п'яніца.
  15. 195
    буцян
    кешкацца як буцян з лягушкаю. Іран. Пра хуткую расправу. Арх. Гр.
    як буцян перад петухом. Мсцісл. Насмешл. Пра нейчыя ганарыстыя паводзіны. Юрчанка, 179.
    ногі як у буцяна. Маг. Насмешл. Пра цыбатыя ногі. Высл., 355.
    выставіцца як куры перад буцяном. Гл. ---.
    як лягушка перад буцяном. Гл. лягушка.
  16. 196
    буян
    вочы вырачыць бы буян. Пін. Няўхв. Пра позірк упартага, настырнага чалавека. МК 40.
  17. 197
    быдла
    крычаць на каго як на быдла [якоё]. Слон. Асудж. Пра грубую, з крыкам размову. Высл., 338.
  18. 198
    быдля
    смярдзець як быдля. Пух. Пагардл. Пра неахайнага, недагледжанага, апушчанага чалавека. СПЗБ 1, 251.
  19. 199
    бык
    Бацька да дзіцяці як бык да цяляці. Прык. Пра недастатковыя бацькоўскія пачуцці ў параўнанні з мацярынскімі. Даніловіч 1996, 141.
    вылупіць (вырачыць) вочы як бык на новае шула. Пін. Няўхв. Пра ўпартую няўцямную паставу, погляд каго-н. МК, 40.
    гаварыць як бык сцыць. Пол. Насмешл. Вульг. Пра немнагаслоўную гаворку з перапынкамі. АВНЛ.
    глядзець як бык на чырвоно. Слон., Брэсц. Насмешл. Пра чыйсьці злосны пагляд. Высл., 305; ЛЦ, 70.
    глядзець як бык на мясніка. Мсцісл. Насмешл. Пра перапалоханы і няўцямны погляд. Юрчанка, 179.
    глядзець як бык на новае шула. Касц., Хоц., Рэч., Ганц. Жарт. Пра няўцямны погляд на штосьці невядомае. ЛЦ, 70; ФА.
    затупяніцца як бык. Краснап. Няўхв. Пра чыюсьці незвычайную ўпартасць. Бялькевіч, 206.
    Здаровы як бык, а розуму ні на глык. Бярэз. Прык. Няўхв. Пра вялікага ды неразумнага чалавека. СЦБ, 95.
    здаровы як бык. Ваўк. п., Смал. п., Докш. Пра моцнага чалавека. Federowski, 353; Добр., Смол., 488; Высл., 327; Ройзензон, 80.
    крычаць як бык у студні. Іўеў. Няўхв. Пра моцны крык, лямант. Даніловіч, 214.
    ляжыць як бык, бо ён так прывык. Маст., Слон. Няўхв. Пра лянівага чалавека. СРЛГ, 54; Арх. Гр.
    наесца (наладавацца) як бык. Ваўк. п. Няўхв. Пра схільнага да абжорства чалавека, што празмерна наеўся. Federowski, 196, 197.
    Наеўса як бык, а кішка як смык. Жытк. Прык. Іран. Пра нейчы слабы наедак. ТС 2, 193.
    Наеўся як бык, перагнуўся як смык, а галодны як сабака. Лоеў. Прык. Іран. Янкова, 332. Тое ж.
    наеўся як бык, не знаю як быць. Мін., Чэрык. Жарт. Пра чалавека, што празмерна наеўся. ЛЦ, 93.
    Наеўся як бык, перагнуўся як смык. Рэч. Прык. Іран. ЛЦ, 19. Тое, што Наеўса як бык, а кішка як смык.
    паглядаць скоса як бык. Сміл. Няўхв. Пра пагрозліва касы пагляд. Шатэрнік, 258.
    рабіць як бык. Віл. Ухв. Пра працавітага чалавека. СПЗБ 1, 251.
    раўсці нема як бык. Івац., Пол. Няўхв. Пра нейчы гучны, голасны крык, рык. Нар. лекс., 16; ЗЗайкі.
    сапець як бык раз'яроны. Кап. Няўхв. Пра паводзіны злоснага, раз'юшанага чалавека. ФА.
    унурыцца як бык. Мсцісл., Капыл. 1. Пра насупленага, упартага чалавека. 2. Пра таго, хто актыўна ўключыўся ў справу. З нар. сл., 129. ≺ Унурыцца - тут: заўзята ўзяцца за справу. Тое, што рабіць як бык.
    упарты (упірліў) як бык. Ваўк. п., Краснап. Няўхв. Пра надта ўпартага, упірлівага, незгаворлівага чалавека. Federowski, 32; Бялькевіч, 460, 461; Высл., 406.
    хадзіць услед за кім як бык за каровай. Хоц. Няўхв. Пра ўпартае пераследванне, навязлівае таварыства. ЛЦ, 126.
    як бык сцыць. Ушацк. Вульг. Пра няроўнае выкананне чаго-н. Барадулін, 58.
    як бык у студні дзе. Смарг. Насмешл. Пра няёмкае, нязручнае адчуванне сябе дзе-н. Даніловіч, 214.
    завыик тоўстый як у быка. Смал. п. Жарт. Пра чалавека ўкормленага, з тоўстым каркам. Добр., Смол., 224. ≺ Завыек - карак.
    надзімацца як жаба, гледзячы на быка. Гл. жаба.
    станчыць шыйку як у быка. Іран. Пра ладную тоўстую адгадаваную шыю каго-н. Ройзензон, 77.
    як з быка малака чаго. Дзятл., Лаг., Слон. Іран. Няўхв. Пра адсутнасць якой-н. карысці ад каго-, чаго-н. Высл, 426; Даніловіч, 225; ФА.
    мужыкі як быкі. Глыб. Ухв. Пра моцных, здаровых мужыкоў. Высл., 347.
  20. 200
    быліна
    адна як быліна ў полі. Рэч., Светл. Спачув. Пра самотную жанчыну. Высл., 281; Янк., 443.
    загнуцца як быліна. Ваўк. п. Пра слабога чалавека, што гнецца пад гнётам абставін. Federowski, 347.
    тонкі як быліна. Рэч. Пра чалавека з тонкім станам, хударлявага. ЛЦ, 75.

Паведаміць пра недакладнасьць