Мы з табой, як рыбка з вадой: я на дно, а ты ў гаўно. — Гаворыцца пра ахлысьціка абсьмяяку, які праяўляў сваю дружбу, каб абсьмяяць, зьняважыць сваю ахвяру.

Мы ні дзіля таго жывём, каб есьці, а дзіля таго ядзім, каб жыць. — Чалавек павінен жыць для нейкай высокай ідэі, а есьці мусе для таго, каб падтрымліваць жыцьцё.

Мысьлі за марамі, а сьмерць за плячыма. — Жыцьцё чалавека не залежа ад ягонай волі.