Даў рады. — Справіўся з работай ці заданьнем.

Даў таўкача. — Прыказваюць таму, хто стаўся пераможцам, для прыкладу: калі маладзейшы брат перш школу кончыў за старэйшага, ці калі перш ажаніўся або калі маладзейшая сястра перш замуж вышла.

Даў у пяту. — Калі нехта павярнуў назад у гутарцы, чынах, палітыцы.

Даў цягу. — Пусьціўся ўцякаць.

Даўшы пугу, трэба даць і лейцы. — Калі бацька даручыў сыну ці зяцю выконваць працу на гаспадарцы, дык ён мусе дазволіць і кіраваць гэтай працай.