Жук, жук! Дзе твой дом? Пад гаўном! Ехаў пан, растаптаў, бег сабачка, пахлябтаў. — Жартуюць зь дзяцей, якія ловяць чорных гнаявых жукоў.

Журавы ў вырай полудзінь панясьлі. — Прыказваюць сяляне, калі бачаць, што журавы лятуць у вырай, бо тады дзень ужо малы й даволі есьці два разы на дзень.

Жураў зь цяплом, а ластаўка зь лістом. — Сялянская заўвага аб часе прылёту з выраю журава й ластаўкі.