Галоўная старонка Навіны Пра праект Кантакт Спасылкі Кнігі ў PDF/DJVU Канвэртар лацінкі
Шукаць:    
 
 толькі ў назьве   шукаць ва ўсіх    віртуальная клявіятура Уставіць беларускае "і" Уставіць у-кароткае (ў)
 
 
Прыказкі Лагойшчыны (1933 артыкулы)

Вынікі пошуку
 
а  б  в  г/ґ  д  е  ё  ж  з  і  к  л  м  н  п  р  с  т  у  х  ц  ч  ш  ю  я  
а  е  і  л  о  р  с  у  
 
Старонкі: 1  2  3  4  5  6  7  8  9  


На ваш запыт знойдзены 164 артыкулы

  1. Каб агуркі радзілі, і каб пастушкі хадзілі. — Прыказваюць, калі садзяць агуркі, бо толькі тады пастушкі ходзяць у вагуркі, калі яны зародзяць.
  2. Каб Бог даў майму сыну той розум наперад, што ў мужыка ззаду, сказаў жыд. — Аб тое, што беларускі селянін дэталёва перадумляе мінулыя свае памылкі й хібы.
  3. Каб былі грудзі на завесах, дык-бы сэрца паказаў. — Гэтак упэўнівае той, хто даводзіць, што ён кажа шчырую праўду.
  4. Каб веданьня дзе абвалішся, дык-бы абышоў тоя месца. — Гэтак разважаюць, калі здарыцца няшчасьце.
  5. Каб гаварыць зь ім, дык трэба зялезнага бобу пад'есьці. — Прыказваюць аб тым, з кім цяжка згаварыцца, ці каго цяжка пераканаць. Боб - трывалая яда, а «зялезны боб» бадай-што яшчэ трывалейшы, вось таму й трэба зялезнага бобу пад'есьці, каб быць вытрывалым ды некага перагаварыць.
  6. Каб гультай рабіў, дык-бы й дома хлеб быў. — Прыказваюць на валачашчага чалавека, які ходзе па сьвеце быццам шукаць хлеба.
  7. Каб майму сыну той розум наперад, што ў мужыка ззаду. — Гэтак прыказвае мешчанін аб сялянскім розуме.
  8. Каб ня дзірка ў роця, дык хадзіў-бы ў злоця. — Гэтак наракае бедны, што ўсё жыцьцё ён працуе толькі на ежу.
  9. Каб ня ежка, ні адзежка, дык была-бы грошы дзежка. — Чалавек весь свой век працуе на ежу й адзетак.
  10. Каб ня клін ды ня мох, дык-бы цесіль здох. — Гэтак жартуюць зь цесьля, што ён з дапамогай кліна й моху ліквідуе свае хібы ў рабоце.
  11. Каб пілося, елася й болі хацелася. — Прыказвае гаспадар, калі частуе гасьцей.
  12. Каб праз маё гарлечка ды цікла рэчка, дык-бы я напіўся. — Прыказваюць гультаю, які ляніцца самога сябе абслужыць.
  13. Каб сьвіньні рогі, дык-бы йіна ўвесь сьвет збала. — Прыказваюць аб злосным, але слабым чалавеку.
  14. Каб тваё слоўца ды Богу ў сэрца. — Прыказваюць, калі дзякуюць за добрыя пажаданьні.
  15. Каб ты гэтак з духам быў, як гэта праўда. — Прыказваюць манюку.
  16. Каб ты гэтак з носам быў, як гэта праўда. — Прыказваюць манюку.
  17. Каб ты ў галёнку сьвістаў. — Гэтак старыя лаялі падшыванцаў, што ў хаце сьвісталі. Старыя верылі, што ў тэй хаце віхор страху зьдзярэ, у якой сьвісталі.
  18. Каб цябе качка стаптала. — Гэтак жартуюць з малых дзяцей.
  19. Кабыла за дзелам, а жарабя бязь дзела. — Прыказваюць, калі нехта, запрошаны ў госьці ці на бяседу, прыходзе й сам і прыводзе з сабой незапрошанага.
  20. Кавалер сьвіньні па каўнер. — Гэтак высьмейваюць падлетка, які ўяўляе сябе дзяцюком.

Старонкі: 1  2  3  4  5  6  7  8  9  
 
Прыказкі Лагойшчыны   Прыказкі Лагойшчыны
Галоўная старонка   Галоўная старонка
Даслаць ліст адміністратару Заўважылі недакладнасьць?
Паведаміце нам!
    (с) Электронная Энцыкляпэдыя, 2003-2017